“Buat hothotu sei iha prosesu Timor-Leste foin independénsia, ASEAN ne'e moris kleur tiha ona desde tinan 60, se ita atu hola parte liuhusi prosesu ne'e normál, se seidauk tama karik ne'e normal”, dehan nia hafoin sorumutu ho Prezidente Repúblika, Francisco Guterres 'Lú Olo' iha Palásiu Prezidensiál Bairopite, kuarta (04/08).
Tanba prosesu tama ASEAN ne'e interese estadu tomak ninian maibé governu servisu nafatin tenta nafatin atubele Timor-Leste bele adere ba ASEAN.
Tanba membru ASEAN sira uluk la'ós lakoi ona Timor-Leste tama ba ba ASEAN, maibé tanba seidauk prense rekezitu no iha kestaun politika ne’ebé Governu presiza haree.
“Nasaun Singapura la simu Timor-Leste tama ASEAN, ne'e kestaun polítika Governu mak hatene atu hatan, parlamentu nia pozisaun ne'e ba instituisionál la'ós pozisaun parlamentu nian”, dehan nia.
Maske iha informasaun ne'ebé viral iha Youtube chanel TEROPONG NKRI fó katak ASEAN lakoi Timor-Leste tama ba ASEAN, maibé membru Parlamentu Nasionál sira seidauk simu asesu. (*)
