"Sim sira mai aprezenta ona, ami hetan ona solusaun e sira ba hadi’a tiha fali depois lori mai iha ne'e, e ha'u sei halo karta submisaun atu submete ba vise primeiru Ministru Asuntu infraestrutura ninia, ne'ebé mak agora (José Reis) pois hein desizaun husi ne'ebá bainhira mak atu realiza, maibé conserteza tenke iha tinan ne'e labele tinan oin”, dehan Francisco Jerónimo iha Gabineti MAPKomS, segunda (02/08).

Tanba husi Diresaun Nasionál edifikasaun Ministériu  Obras Publika aprezenta dezenu ba edifísiu provizóriu RTTL,EP, no hetan ona solusaun no sei ba hadi’a dezenu balun hafoin sei lori aprezenta ba MAPKomS no prPzidente RTTL,EP

Iha fatin hanesan Diretór Nasionál Edifikasaun Ministériu  Obras Publika, Domingos de Jesus Sequeira informa, progresu ba dezenu edifísiu provizóriu RTTLne'e tama ona faze final, nune'e aprezenta ona ba MAPKomS no Prezidente RTTL oinsá atu utiliza edifísiu foun ne'e tuir ninia funsaun.

“Ami halo aprezentasaun ba MAPKomS no prezidente RTTL,EP oinsá atu utiliza Edifísiu ida ne'e tuir ninia funsaun ne'ebé mak sira m-nia proposta ba ami Obras Publika Diresaun Nasionál Edifikasaun, maibé sei ba hadi’a iha dezeñu balun, depois lori fali mai”, dehan nia.

Maibé implementasaun ne'e prosesu sei liuhusi verifikasaun Ajensia Dezenvolvimentu Nasionál (ADN) depois ba faze implementasaun iha Komisaun Nasional Aprovizionamentu (CNA).

Entretantu kustu orsamnetu ba konstrusaun ne'e to’o agora seidauk finaliza tanba iha mudansa husi dezeñu, tanba ne'e seidauk bele ko'alia nia kustu estimativa maibé maizoumenus nia kustu ne'e millaun ida la liu. (*)