Print this page

KHUNTO Hakarak Governu Familiariza Covid-19 Hodi Reativa Eskola

By August 02, 2021 1974
Deputadu KHUNTO, Antonio Verdial. Deputadu KHUNTO, Antonio Verdial.

Tempotimor (Dili)-Membru Komisaun Permanente Prlamentu Nasionál (PN) husi Bankada KHUNTO, deputadu António Verdial hakarak, governu buka maneira familiariza Covid-19 hodi reativa filafali atividade eskolar ba estudante sira iha rai laran.

“Nasaun ne'e kuandu atu di’ak ne'e, iha juventude sira-nia liman, liliu ba ita-nia estudante sira. Ne'ebé lalika tauk ida, e dala barak mós ha’u hatete katak, di’ak liu no di’ak liu ne'e mak, ita moris no familiariza de'it ho covid-19 ne'e”, hatete nia iha PN, segunda (02/08).

Durate moris ho covid-19, sidadaun simu vasina mós mate, no la simu vasina mós mate. Tanba ne'e hanesan deputadu sempre ko’alia ona katak konpeténsia atu trata asuntu ida ne'e presiza iha partisipasaun másimu husi sidadaun hothotu.

“Agora fila ba ohin ha’u hatete organizasaun ne'ebé palin boot iha RDTL ne'e mak governu. Governu iha dever moral atu jere situasaun ida ne'e, liuhusi orgaun ka entidade konpetente hanesan Ministériu Saúde”, dehan nia.

Kestaun ne'e, sempre ko’alia iha plenária atu governu tenke servisu iha liña intergradu, koperadu, halo kordenasaun, no kolaborasaun ne'ebe kmanek, atu nune'e servisu ba povu ho dignidade tomak.

Bankada KHUNTO mós fó agradesimentu ba governu, tanba bele loke filafali ona ensinu aprendijazen iha sidade Dili. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items