Governu Aprova Akordu Finansiamentu Ba Projetu Bee iha Munisípiu Tolu

Ministru Prezidensia Konsellu Ministru, Fidélis Magalhães. Ministru Prezidensia Konsellu Ministru, Fidélis Magalhães. Foto Suplay

Tempotimor (Dili)-Governu liuhusi sorumutu Konsellu Ministru (KM) nian iha loron 28 fulan-jullu tinan 2021, aprova ona akordu kontribuisaun finanseiru ho Banku Dezenvolvimentu Aziatku ba projetu bee no saneamentu iha Munisípiu Vikeké, Lautein no Manufahi.

Ministru Prezidensia Konsellu Ministru, Fidélis Magalhães hatete, Konsellu Ministrus aprova, ho alterasaun, projetu deliberasaun kona-ba selebrasaun Akordu Finansiamentu ida no Akordu Kontribuisaun Finanseira ho Banku Dezenvolvimentu Aziatiku.

“Akordu rua ne’e refere ba projetu dezenvolvimentu infraestrutura be’e no saneamentu ne’ebé lokaliza iha Vikeké, Lospalos (Lautein) no Same (Manufahi)”, informa Fidélis iha Palásiu Governu, kuarta (28/07).

Tanba ne’e, Konsellu Ministrus fó podér tomak ba Ministru Finansas, Rui Augusto Gomes, hodi reprezenta Estadu Timor-Leste atu asina akordu ne’e.

Iha ne’e aprova mós, ho alterasaun, projetu delibersaun ne’ebé aprezenta husi Ministru Finansas, Rui Augusto Gomes, kona-ba revizaun ba valór husi tarifa kobransa nian ba utilizadór sira iha Portu Tibar, taxa konsesaun ne’ebé sei hetán husi konsesionária, hanesan royalty, no penalidade sira ne’ebé selu husi konsesionária tamba la kumpre rekezitu mínimu sira servisu no ekipamentu nian.

Revizaun ba valór sira ne’e ho faktór indesaun 1, 061, ne’ebé karga tráfegu diminui kompara ho previzaun, ekonomia reál iha tinan hirak ikus ne’e.

“Konstranjimentu sira ne’ebé rezulta husi pandemia COVID-19 no vontade konsesionária hodi kontinua dezenvolve projetu no hahú opera ho lais liu, mak hanesan faktu husi valór sira ne’ebé maihusi revizaun sei hanesan ho valór sira ne’ebé tama iha vigór konsesionária bele hahú ona operasaun iha data ne’ebé prevee”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter