“Tinan ida ne'e Austrália nia orsamentu dezenvolvimentu ba Timor-Leste maizoumenus millaun 80 doláres Amerikanu tanba Corona Vírus no inundasaun aumenta tan orsamentu millaun 30 tan, entaun tinatinan iha komitmentu maizoumenus millaun 80”, dehan Peter Roberts hafoin enkontru Timor-Leste Development Partners Bilateral Meeting iha salaun Ministériu Negósiu Estranjeiru no Kooperasaun, Praia Dod Coqueiros, tersa (27/07).
Ho orsamentu hirak ne'e atu apoiu ba setór hotu iha Timor-Leste ne'ebé mak sai prioridade ba nasaun nian durante tinan ida nia laran.
"Austrália iha komitmentu liu tan atu servisu hamutuk ho Timor-Leste, no ha'u dehan ba Ministru sira Austrália sei kontinua nafatin servisu ho Timor-Leste, sei foka atu uza Governu nia sistema no aliña Governu Timor-Leste nia prioridade”, dehan nia.
Servisu prioridade sira ne'ebé Austrália foku mak Covid-19 nomós iha inundasaun nian.
Maibé iha mós área seluk ne'ebé Governu Austrália tau prioridade hanesan edukasaun, Sosiu- Solidariedade, diversifiksaun ekonomia, infraestrutura no agrikultura. (*)
