Login to your account

Username *
Password *
Remember Me

DNA Ho MTK Du’un Malu, Motoristas Ejize Xapa No Karta Kondusaun Featured

Kareta nadonon iha sidade Dili Kareta nadonon iha sidade Dili Foto Especial

 

Tempotimor (Díli) – Iha fulan tolu ikus ne'e nia laran, dadeersan de'it, edifisiu Diresaun Nasionál Transporte no Terrestres (DNTT), Balide, Díli, nakonu ho motoristas. Sira mai reklama no husu kona-ba prosesu karta kondusaun nomós xapa matríkula ne'ebé tuir sira nia hanoin, han tempu naruk.

Informasaun ne'ebé sira rona husi parte DNTT, blangko ba karta kondusaun no xapa matríkula ba motor no karreta mak váaku (mamuk). Kondisaun ida ne'e, la'ós de'it iha Kapital Díli. Motorista sira iha munisípiu mós kuaze hato'o preokupasaun hanesan. 

“Durante ne'e ami rona de'it promesa falsu. Ohin ami mai, sira dehan aban, aban no aban. Nune'e bebeik ona. Halo ita baruk, tanba preokupa fali ho ita nia servisu seluk,” hatete motorista João Salsinha (35) ba Tempotimor, Segunda (29/07/19) iha resintu edifisiu DNTT. 

Nia reklama, durante ne'e pesoál DNTT ne'ebé toma konta ba xapa matríkula no karta kondisaun, bosok ona públiku. Liliu motoristas hirak ne'ebé preokupa loos ho sira nia xapa matríkula motorizada nomos karta kondisaun. Salsinha dehan, laiha transparensia nomós jestaun ne'ebé di'ak durante ne'e iha DNTT.   

Mericio da Costa Alves (27), motorista ida husi Munisípiu Baucau hatete, karta kondusaun ho xapa matríkula ne'ebé mamuk iha DNTT halo impedementu ba sira nia atividade. Nia dehan, kuaze lorloron polísia tranzitu sira halo auto stop, iha Díli mós munisípiu. 

“Bainhira kondutór laiha karta kondisaun, ka karreta mak laiha xapa matríkula, ne'e bele sai problema. Tanba, bele impede ona ema barak nia preokupasaun,” Mericio tenik.    

 

Du’un Malu

Bainhira hatán ba preokupasaun hirak ne'e, iha ninia knaar fatin, edifisiu MTK, Kaikoli, Diretór Nasionál Aprovisionamentu (DNA), Ministériu Transportes no Komunikasaun (MTK), Tomás Boavida dos Santos hatete (prosesu) tenderizasaun ho númeru MTC – NCB – 0003 kona-ba produsaun xapa matríkula ba transporte halo ona anúnsiu ba públiku hosi loron 15 to’o 30 Abril liubá.

“Buat hirak ne'e la’o tuir prosedimentu normál. Rezultadu tender refere hasa'e ona ba Ministru,” Tomás esplika ba Tempotimor.com, Tersa (30/07/19). 

Nia dehan, maske foin mak asumi kargu nu'udar DNA MTK, iha 22 Jullu liubá. Maibé, nia koko klarifika fali informasaun hirak ne'ebé fó sai ona husi MTK.   “Agora iha ona sua exelénsia nia fatin. Ne’e, sua exelénsia nia kompetensia,” nia dehan.

Hafoin selesaun dokumentu, tuir Tomás sei halo evaluasaun no prosesu hirak ne’e aprovizionamentu halo hotu ona. Inklui, ekipa halo avaliasaun. 

Informasaun ne'ebé Tempotimor.com hetan asesu katak, projetu ba produsaun xapa matríkula  ho númeru MTC-NCB-0003 fó sai ba públiku hosi loron 15 to’o 30 Abril liubá. 

Iha kompañia nain 11 mak sosa dokumentu. Maibé, hirak ne'ebé tuir Pre-Bid kompañia 9 de’it no prosesu ikus liu mak kompañia 5 de’it mak tuir tenderizasaun.

Tenderizasaun ba karta kondusaun nian ho númeru NCB/001/MTC/IV/2019 loke hahú husi loron 10 Abril to’o loron 23 fulan Maiu liubá. Iha kompañia 9 mak sosa dokumentu. Kompañia 7 mak hola fatin iha Pre-Bid, no ikus liu iha kompañia 3 de’it mak hatama dokumentu hodi halo avaliasaun.

Liu tiha prosesu hirak ne’e, diretór DNA hatama ona dokumentu kona-bá  manan nain sira, ba Ministru nia meja iha loron 8 fulan Jullu foin lalais. 

Maske nune'e, iróniku mosu hafoin loron 10 dokumentu rezultadu tenderizasaun hasa'e ona ba ministru no latan hela nia meja leten. Iha loron 18 Jullu 2019 foin lalais, iha Pálasiu Governu, MTK José Agustinho da Silva informa ba jornalista katak nia fó ona instrusaun ba Diresaun Nasionál Aprovizionamentu (DNA) MTK nian. Perguntas, prosesa saida mak foin aselera ne'e? 

Ba públiku, MTK katak prosesu tender fornesimentu ba produsaun blangko ba karta kondusaun ho xapa matríkula, sei aselera tanba MTK fó ona instrusaun ba DNA.

Media online ne'e mós rona infromasaun ne'ebé hatete, deskonfia iha iregularidade iha prosesu tenderizasaun. Informasaun ne'e hatete, MTK dada tempu ba prosesu tenderizasaun, hodi fó manan ba kompaiña hirak ne'ebé nia na’in tuir ona juramentu KHUNTO nian. 

“Ida ne’e laiha. Laloos ida. Tanba, Ministru la tama to’o iha ne'ebá. Ne’ebé, prosesu agora la’o ne’e normál hela. Tuir duni prosidementu. Laiha tendensia ida atu afavór ba partidu polítika ruma ne'ebé asosiadu ho MTK. Mós, laiha presaun ida,” Tomás konfesa.

Rate this item
(2 votes)
Last modified on Wednesday, 31 July 2019 15:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter