"Iha tinan ida ne'e, governu planeia ona atu instala tan torre ida iha suku Tapo”, deklara Ministru Francisco Jerónimo iha salaun Administrativu Kailako, segunda (26/07).
Instalasaun ne’ebé sei halo iha suku Tapo tanba torre ne'ebé Instala ona iha Kutulau, Munisípiu Likisá kobre de'it iha Postu Administrativu Kailako no seidauk abranje to’o Postu Administrativu seluk iha Munisípiu Bobonaro.
Nune'e parte tékniku husi MAPKomS halo ona estudu viabilidade no dadaun ne'e sei halo hela dezeñu enjeneiru detalla, bainhira Konklui ona governu sei loke konkursu públiku atu hahú konstrusaun.
Entretantu material sofistikadu ne'ebé liga ho instalasaun ne'e sei responsável husi governu Xina relasiona ho akordu ne'ebé MAPKomS ho governu Xina halo.
Ho ida ne’e, governu Xina sei fó asistensia tékniku ba Timoroan sira, liuhusi formasaun atu nune'e tékniku sira bele adapta ho sistema dijitalizasaun, nune'e projetu instalasaun remata iha sustentabilidade ba Timoroan tomak.
Governu mós garante sei instala hotu torre iha Munisípiu 12 bazeia ba planu ne'ebé trasa ona iha tinan 2023 populasaun territóriu tomak porsentu sianolu (90%) mak sei asesu RTTL,ep ho sistema dijital. (*)