"Tinan oin ne'e tuir planu, iha oportunidade ita sei loke kursu lian-Korea mós iha Oekussi, la'ós iha Dili de'it, pelumenus ba ema na’in-3.000”, afirma Paulo Alves, iha Ótel Novo Tutismo, Lesidere, segunda (26/07).
Maibé prosesu ne’e la'o fazeadamente, bainhira Oekkusi la'o di'ak sei loke mós iha Munisípiu Baukau no Ermera.
“Ida ne'e sai hanesan mehi ba SEFOPE, atu nune'e fó oportunidade ba joven sira atubele kapasita-an, no sira ne'e di'ak hotu ona ita sei loke tan iha Munisípiu hotu”, promete ina.
Bainhira inisiativa ne'e bele la'o depende ba Orsamentu ne'ebé mai husi fundu dezenvolvimentu kapitál umanu (FDCH) hodi apoia ba programa formasaun no kapasitasaun.
"Tetu Orsamentu tinan 2022 ne'ebé distribui ba FDCH hamutuk US$1,027,800 maibé tanba osan la to’o, mak ami tau adisionál por volta US$390,000 atu reforsa instituisaun iha área formasaun, nune'e bele reforsa númeru benifisiáriu estájiu profesionál”, afirma nia.
Tanba Kursu lian Korea hanesan kritériu ida ba trabalhadór Timoroan sira molok ba servisu iha nasaun Korea Súl.
Husi totál trabalhadór Timoroan iha nasaun Korea Súl hamutuk rihun-3-resin, maibé hamutuk iha ema na’on-705 mak fila ona mai Timor-Leste, maioria durasaun servisu tinan tolu to’o tinan lima iha nasaun refere. (*)