Login to your account

Username *
Password *
Remember Me

CNRT Deskonfia Governu Politiza Orsamentu Raktifikativu

Tempotimor (Dili)-Membru Komisaun Permanente husi Bankada Congresso Nacional de Reconstrução de Timor (CNRT), deputadu Domingos de Carvalho, deskonfia governu politiza Orsamentu Raktifikativu (OR), tanba seidauk rezolve problema estrada sira ne'ebé hetan estragu husi inundasaun.

“Tuir ha’u-nia haree, no hatene, dala ruma osan sira ne'e sira propoin ba parte ida, mais aloka filafali ba taka fali buat seluk ida, purzenplu hanesan foin dadauk kona-ba estrada no inundasaun nian, iha ne'eba propoin orsamentu, mais tanba orsamentu la uza bele halai filafali ba purzemplu hanesan selu sidadaun sira ne'ebé mak kona-ba polísia, enfermeira sira, ne'ebé mak (biaya), SIJK no fronteira sira”, dehan nia iha PN, segunda (26/07).

Tanba CNRT nota problema estrada no ponte barak ne'ebé hetan estragu, posibilidade sei rezolve iha tinan 2022, tanba governu raktifikativu ona Orsamentu Jerál Estadu (OJE) 2021 maibé estrada kontinua sai problema.

“Ha’u hanesan membru komisaun E, opozisaun ninian ha’u bele hatete hanesan buat ida karik gagal (faila), e ba fali orsamentu 2022 mak foin bele rezolve problema sira ne'e hotu”, afirma nia.

Maske, iha situasaun ne'e, Intututu Jestaun Ekipamentu (IJE) konsege halo normalizasaun maibé governu rasik lahatene bainhira mak loke konkursu públiku atu rekonstrui estrada sira ne’ebé hetan estragu.

Parlamentu Nasionál, iha loron sesta (23/04) aprova proposta Orsamentu Raktifikativu (OR) liuhusi alterasaun Lei Orsamentu Jerál Estadu (OJE) 2021, iha finál globál ho votu a-favór 44, kontra 0 no abstensaun 20.

Iha Orsamentu Raktifikativu ne’e altera OJE 2021 ho montante biliaun US$1,895 hodi prevee ba kombate surtu COVID-19 no problema cheias (dezastre naturál) no inundasaun.

Iha proposta Governu propoin millaun US$223,8 prevee ba fundu COVID-19 ne’ebé aumenta tán ba orsamentu orijinál, no integrasaun saldu jerénsia ne’ebé la inskritu (não inscritos) iha OJE 2021 ho montante millaun US$135,3.

Nune’e mós altera OJE 2021 ne’e foti hosi fundu infraestrutura millaun US$54 no ministériu sira hamutuk millaun US$65,152 nune’e rezerva kontinjénsia sa’e ona millaun US$100-resin hodi fó resposta ba problema cheias no inundasaun ne’ebé akontese iha loron 4 abríl liubá. Hosi ajustamentu hirak ne’e inklui saldu jerénsia millaun US$135,3 ne’e OJE 2021 sa’e ba billaun US$2.1. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter