“Ohin formadór no revizór sira hatete ha'u katak notísia Portugés iha ajénsia TATOLI,IP, RTTL,ep no mídia sira seluk nia ne'e pursentu 3/4 de'it mak sala, entaun ne'e ha'u kontente tanba kuaze pursentu 95 mak notísia Portugés di'ak los”, dehan Mericio Akara, bainhira vizita formasaun de língua Portugés iha Instituto Camões, Bidau, segunda (26/07).
Formadór sira husi Portugál mak halo avaliasaun, tanba ne'e orgullu tebes, tanba jornalista Timoroan komesa hakaas-an no hodi hakerek iha língua Portugés no hakerek lalais mós iha língua Portugés.
Maske jornalista domina língua de'it maibé la domina tékniku jornalismu mós ladún funsiona ho di'ak tanba ne'e SEKomS kolabora ho Embaixadór Portugál no Instituto Camões hodi fó apoiu liuhusi formasaun língua Portugés ba Jornalista inklui hanorin tékniku jornalizmu
Iha fatin hanesan, Embasadór Portugál iha Timor-Leste, José Pedro Machado, agradese ba SEKomS ba ajuda tomak ne'ebé mak haraik ba projetu Konsultória Lian Portugés ba futuru jornalista ne'e, atubele ajuda jornalista sira iha futuru ba prosesu dezenvolvimentu iha Timor-Leste (TL).
“Projeito ida ne’e sei kontribui hodi hasa’e no hadi’ak liután abilidade jornalista, foinsa’e futuru jornalista, tanba sira bele kontribui ba prosesu dezenvolvimenu nasaun nian, nomós atu asegura sosiedade ida ne’ebé mak informadu no kritiku iha Timor-Leste”, dehan nia. (*)