Povu Tenke Iha Esperansa Kombate Variante Delta

Deputadu CNRT, Domingos de Carvalho ko'alia hela ba media sira iha Parlamentu Nasionál, segunda (26/7). Deputadu CNRT, Domingos de Carvalho ko'alia hela ba media sira iha Parlamentu Nasionál, segunda (26/7). Foto Tempo Timor

Tempotimor (Dili)-Deputadu União Democrático Timorense (UDT), Francisco David hatete, povu tenke iha esperansa kumpre nafatin regra hodi kombate Variante Delta, maske Ministériu Saúde (MS), deklara Timor-Leste rejista sidadaun na'in-4 ne'ebe infetadu ona.

"Bein, ita kontinua mantein distansiamentu Sosiál, en-relasaun ho variante foun ne’ebé mak mai ne'e, mais ita ho esperansa katak ho vasina rua ne'e, esperaben ke ita iha imunidade ba aguenta moras ne'e”, dehan nia iha Parlamentu Nasionál (PN), segunda (26/07).

Haree ba kazu variente delta ne'e, Timor-Leste iha vantajen boot tanba nasaun ne'e nia temperatura kuaze iha 34 no 35.

Tanba ne'e, rekomenda ba povu hotu atu mantein ho regra distansiamnetu Sosiál, no kumpre regra sira ne’ebé governu estabelese ona tanba ne'e importante ba sidadaun sira evita kazu refere.

Iha fatin hanesan, Deputadu Bankada Congresso Nacionál de Reconstrução de Timor (CNRT), Domingos de Carvalho hatete, nia parte preokupa ho variente foun (delta-corona) ne’ebé tama ona iha Timor-Leste.

"CNRT, problema ida ne'e sériu teb-tebes, uluk ita hatete buat ida ne'e hanesan be fulafulan akontese, estende estadu emerjénsia,mais ida ne'e grave tebes, hau foti ezemplu hanesan iha Índia nian ne'eba ne'e, la'o baku fila mate liu”, dehan nia.

Tanba ne'e, bankada CNRT nu’udar bankada opozisaun iha Parlamentu Nasionál, sei  propoin ba governu atu estabelese regra rigorozu.

“Ami propoin, aban (27/07), mós iha plenária (estraordinária) estende estadu emerjénsia, sei foti problema ne'e nafatin”, afirma nia.

Tanba regra ne’ebé estabelese, fronteira sira ne'e mak tenke metin, atu evita iha sirkulasaun husi rai liur no laran.

Husi pasiente na'in-ha'at ne'ebe infetadu variante delta, Timor-Leste perígu liu kompara ho kazu covid-19.

"Konforme informasaun que husi Ministra (Saúde), katak ema na'in-haat ida mak mate ona tanba moras ida foun ne'e, e kona ema ida foun ne'e, mais lahatene iha duni ka lae mais buat ne'e ita preve antes que buat ne'e akontese”, dehan nia. (*)

 

Rate this item
(0 votes)
Last modified on Monday, 26 July 2021 12:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter