“Asuntu importante ne'ebé ohin sai hanesan topik ba ami, mak sede CPD-RDTL ba FRETILIN movimentu hanesan mós sentru ba restaurasaun RDTL, ne'ebé hetan okupa ho ilegalmente husi PNTL eskuadra Nain Feto”, dehan Sekretáriu Jerál UNIJMA Ativista Pro RDTL, Gil Fernandes da Costa iha palásiu prezidensiál, Bairopite, sesta (23/07).
Tanba ne'e inisia husi rezolusaun númeru 5/3/2014 ne'ebé Parlamentu Nasionál produs hanesan implementadór PNTL, maibé iha implementasaun ne'e tarjetu ne'e ba ema seluk, ba grupu seluk, iha fatin seluk maibé pelu kontrariu ativa fila mai CPD-RDTL ne'ebé hanesan mós organizasaun restaurasaun ninian.
“Mesmu que nune'e ami simu realidade ida ne'e, iha momentu ida ne'ebá simu moruk ida ne'e, e laiha tan dalan seluk úniku via mak ami tenke koopera ho justisa ne'ebé durante tinan 6 nia laran ami koopera ho justisa, justisa ne'e la'o depois to'o atu ba nia rohan, Ministériu Públiku hanesan na’in ba kazu ida ne'e, sira rasik mak sujere ba tribunál atu halo apsupliasaun totál ba kazu ida ne'e", esplika nia.
Akuzasaun ne'ebé halo ba CPD-RDTL konsidera falsu hotu, inklui rezolusaun 5/3/2014 entaun bazea ba desizaun tribunál nian ne'e desizaun tranjitu tranjitujugadu taun sira (CPD-RDTL) iha direitu ba sasán sira ne'ebé polísia sira prende.
"Entaun ba tribunal mós apoiu ami ho transporte ho nune'e ami tau ami-nia sasán sira ne'e, ami la bele lori ba fatin seluk, ami tenke lori ba ami-nia fatin orijinál fatin Balide Dili, ho ida ne'e mak ami lori ba ne'ebá pois iha tempu liuba iha fulan-Marsu 2020 lori ba ne'ebá, saida mak akontese? Iha ne'ebá polísia sira la fó espasu mai ami katak la rekoñese desizaun tribunal ninian no ami haree hanesan la obedese ba desizaun tribunál ninian”, dehan nia.
Tanba ne’e lori filafali sasán ba tribunál CPD-RDTL hatama keisa ba Prokuradoria Jerál Repúblika tanba desizaun tranjitujugadu ne'e iha mudansa ona ba sira-nia estatutu.
“Ami-nia estatutu hanesan suspeitu, envesde suspeitu prosesu ba kadeia, maibé ami sai fali vítima entaun suspeitu ne'e sé, entaun ami hatete suspeitu ne'e mak oknum polísia e inklui autór ba rezolusaun ne'e", haktenik nia.
Prezidente Repúblika simu ona dokumentu ne’ebé CPD-RDTL entrega ona ba no sei kordena ho governu ba parte kompeténsia sira seluk atubele fó solusaun. (*)
