Login to your account

Username *
Password *
Remember Me

TL Seidauk Prepara Rekursu Umanu Ba Aplikasaun Lei OJE

UMDP hato'o hela sira nia pozisaun apoiu ba Prezidente Partidu CNRT, Kay Rala Xanana Gusmão liuhusi konferensia imprensa, kinta (22/07). UMDP hato'o hela sira nia pozisaun apoiu ba Prezidente Partidu CNRT, Kay Rala Xanana Gusmão liuhusi konferensia imprensa, kinta (22/07). Foto Suplay

Tempotimor (Dili)-Unidade Movimentu Demokrátika no Patriótiku (UMDP) konsidera Governu seidauk prepara rekursu umanu ne'ebé di'ak atubele utiliza osan estadu nian, tanba aplikasaun ba lei númeru 13/2009, presiza rekursu umanu.

“Timor-Leste to'o ohin loron iha hela kuadru jurídiku ne'ebé regula orsamentu no jestaun finanseira do estadu. Lei ne'e aprova iha tinan 2009, 21 de juñu ho númeru 13/2009, no depois ho susesivus revizaun. Lei ne'e sei atual hela, no apezar de ladun iha ita-nia mákina do estadu, ladauk adapta-an didi'ak. Purtantu, la'ós lei ladi'ak, la serve, maibé ita-nia rekursu umanua mak ladauk prepadadu didi'ak ba aplikasaun lei refere na sua totalidade”, dehan Portavóz UMDP, Livia Antonia Maria Guterres, iha Sede Taibessi, kinta (22/07).

Tanba governu halo Propósta-Projetu Lei ida ho nia enkuadramentu ba Orsamentu Jerál Estadu (OJE) no ba Jestaun Finanseira Públika nian ne'ebé oras ne'e diskute hela iha Plenária Parlamentu Nasionál hodi husu halo nia alterasaun.

“To'o agora ladauk iha estudu ida que klean atu komprova katak lei númeru 13/2009 la adekuadu ba evolusaun ita-nia sistema finanseira no ba dezenvolvimentu estadu. Prinsípiu ne'ebé di'ak efisiénte ho efisiénsia hanorin katak, alterasaun, revogasaun ka derogasaun kuadru jurídiku ida só bele halo, kuandu lei em vigor komprovadamente la responde ona ba situasaun atual”, esplika nia.

Aleinde ne'e, UMDP mós konsidera, projetu no propósta lei OJE ho jestaun finanseira públika ne'ebé oras ne'e debate hela iha PN, sei iha lakunas ne'ebé barak tebes, tantu husi aspetu lojístika formál, sistematizasaun lei ladun iha konformidade no aborda mós material seluk ne'ebé loloos estadu iha hela lei ne'ebé atu regula.

“Elaborasaun de alterasaun lei, kuantu mais aprezentasaun projetu lei foun, atu troka lei ne'ebé sei di'ak no em vigor habitualmente ezije despezas boot hanesan gastu ba surat tahan, kustu de produsaun projetu de propósta, no kustu seluk tan”, hatete nia.

Koordenadór UMDP, Hugo da Costa hatutan, hafoin halo  konferénsia ne'e, sira sei haruka kedas karta ba Prezidente Repúblika, Fracisco Gutertes ‘Lú Olo’, Prezidente Parlamentu Nasional, Aniceto Guterres, nomós Primeiru Ministru, Taur Matan Ruak, atu tetu sira nia rezultadu husi konferénsia ida ne'e.

“Maibé, pontu importante liu mak governu hakarak altera lei númeru 13/2009 ne'e, tanba razaun ida mak dehan katak jestaun de risku. Agora, risku saida, risku ba ukun ka risku ba poder ka, objetivu saida. Ne'e mak sai movimentu nia preukupasaun. Segundu, kada tinan, ita iha orsamentu jerál estadu ho orsamentu fundu kontijénsia, kerdíjer que governu bele utiliza buat rua, orsamentu jerál estadu, nomós ho fundu kontijénsia”, afirma nia. (*)

Rate this item
(0 votes)
Last modified on Thursday, 22 July 2021 20:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter