Maibé sira mós hanoin iha eleisaun prezidénsial, sira sei fó apoiu tomak ba Kay Rala Xanana, hodi kandidata ba Prezidente Repúblika (PR), durante periodu tinan 2022 to'o 2027.
“Objetivu ami-nian mak apoiu maun Xanana. Porque ami haree katak, ita presiza figura karizmátiku ida, sei iha importante nafatin ba ita-nia nasaun”, deklara Hugo da Costa, iha Sede Taibessi, kinta (22/07).
Tanba Xanana sai husi governasaun, Timor-Leste hahú tama ona situasaun ida instabilidade polítika liliu oragaun soberanu sira la sólidu.
“Entaun, ne'e prejudika ita-nia dezenvolvimentu no husi konfiansa internasionál ba ita. Agora, karik maun Xanana la avansa, maun Xanana propoin ema ruma, maibé, nia tenke ser konkorda ho ami-nia propósta ne'ebé mak ami sei hato'o. Maibé, ami sei apoiu maun Xanana, e karik maun Xanana apoiu figura ruma ida ne'ebé ami haree dehan, ida ne'e di'ak, merese, ami hato'o ami-nia preukupasaun sira, e ami hanoin katak, sé sé de'it mak avansa ho maun Xanana, ami apoia. Ida ne'e mak objetivu ami-nian”, dehan nia. (*)