"Bom, ha’u hatán badak de'it ba ida ne'e katak, prosesu la'o hela, agora dadaun ami hein hela notifikasaun husi Ministériu Justisa atu defini didi’ak fatin ida ne'ebé mak ami husu para depois ami bele avansa dadaun ona ho prosesu sira selu-seluk”, hatete nia iha Parlamentu Nasionál (PN), kuarta (21/7).
Tanba fatin ne'ebé atu hari’i edifísiu foun ne'e, Parlamentu Nasionál identifika ona iha fatin rua, ida mak área Ministériu Justisa (MJ) nia oin, no ida seluk iha Prezidensia Republika nia sorin (Hudi Laran).
Maibé atu hari’i ne'e, Parlamentu presiza hetan notifikasaun husi parte governu, nune'e bele define fatin ne'ebé merese atu tau edifísiu PN.
“Fatin ne'e ami haree tiha ona iha fatin rua, ida mak iha Ministériu Justisa ninia oin, ida mós mak iha Hudi-Laran, Palásiu Prezidénsia ninia sorin ne'e, soke agora dadaun ami hein de'it husi parte governu atu deside”, informa nia.(*)
