KM Propoin Estadu Emerjénsia ba Loron 30

Ministru Prezidénsia Konsellu Ministru, Fidelis Leite Magalhães. Ministru Prezidénsia Konsellu Ministru, Fidelis Leite Magalhães. Foto Suplay

Tempotimor (Díli)-Governu Timor-Leste liuhusi Konsellu Ministru (KM) deside propoin estadu Emerjénsia iha Munisípiu Dili ba loron 30 iha fulan-Agostu to'o Setembru.

“Konsellu Ministru ohin (21/07) deside atu propoin dala ida tan extensaun ba Estadu Emerjénsia ba fulan oin mai, fulan-Agostu tomak to'o Setembru”, informa Ministru Prezidénsia Konsellu Ministru, Fidelis Leite Magalhães, iha Palásiu Governu, kuarta (21/07).

Tanba Estadu Emerjénsia ne'e realiza to'o loron tolunulu kuandu Governu halo renovasaun ba Estadu Emerjénsia tenke husi filafali ba Parlamentu Nasionál atu debate.

Antes ne'e Governu simu sujestaun atu extensaun Estadu Emerjénsia ba to'o tinan ida, maibé konstituisaun repúblika la fó dalan.

"Ami mós aproveita atu fó hatene ba sidadaun sira tanba, ami rona barak tanba saida mak EE ne'e la halo tinan ida tomak?. Laiha dalan. Tanba Konstituisaun da Repúblika la fó dalan”, esplika Fidelis.

Tanba haree mantein kauza determinante sira ne'ebe justifika ona deklarasaun estadu Emerjénsia no ninia renovasaun sira no atubele evita no neutraliza risku propagasaun sira husi SARS-CoV-2,

Ho ida ne’e, bele proteje saúde públiku no kapasidade resposta husi Sistema Nasional Saúde, Governu propoin ba Prezidente Republika atu, ho renovasaun estadu Emerjénsia nian, permite suspensaun ka restrisaun ba direitu no garantia fundamentál balun.

Nune'e mós regras sira sei iha mudansa ba Estadu Emerjénsia ne'ebé sei aplika iha fulan-Agustu tuir situasaun atual. (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter