“Ha'u hatene katak ha'u agora ne'e sei militár hela, mais kuandu Prezidente Repúblika dekreta data elisaun ou eleisaun prezidensiál ha'u hanoin katak ida ne'e ita bele ko'alia buat ruma, agora Prezidente mós nonok hela, ita la bele dehan demokrasia be ida-idak ko'alia ninian”, dehan Lere iha palásiu prezidensiál Bairopite, kuarta (21/07).
Maibé hato'o parabéns ba Ministra Solidaridade Sosiál no Inkluzaun (MSSI), Armanda Berta dos Santos, ne'ebé deklara kandidata-an ba Prezidente Repúblika iha eleisaun prezidensiál ba períodu 2022-2027.
“Agora kandidata sira so unik ha'u-nia feton Armanda mak anunsia ona katak, nia atu kandidata ba Prezidente, ne'e maizoumenus fó parabens ba nia, tan feto ida bele, ha'u husu para feto hothotu, feto na'in-10 ida mós konkorda ba Prezidente, para abanbairua se mane ne'ebé ba mak halo debate ho feto sira ne'e kona-ba polítika, ida ne'e mak importante”, dehan nia.
Maske iha ona Grupu balun ne’ebé apoiu Lere atu avansa hodi kompete iha eleisaun Prezidensiál tinan 2022.
Antes ne’e, Vise Primeiru Ministra no Ministra Solidaridade Sosial no Inkluzaun (MSSI), Armanda Berta dos Santos deklara ofisialmente kandidata-an ba Prezidente Repúblika iha loron domingu (04/07). (*)