“Ha’u nota ho orgullu katak, iha Timor-Leste ho situasaun pandemia dudu joven sira eksplora sira-nian abilidade no kreatividade hodi hamosu inisiativa sira hanesan transforma natureza nian furak hodi sai fatin turizmu”, Espresa Espoza Presize Repúblika Cidália Nobre iha Salaun Saun Jose Dioseze Katedral Dili tersa (20/07).
Tanba joven sira preokupa kona-ba saúde planeta nian, nune’e joven barak hahú dadaun fó atensaun ba meiu ambient hanesan iha parte Hera nian tesik ba, hahú haree ai-parapa ne’ebé buras no iha mós fatin seluk tan, hahú kuda ai-oan hodi proteze rai.
Iha mós fatin turizmu sira ne'ebé mak atrai turista rai laran no rai li'ur sira hanesan Mangrove Hera, Dare, Beto tasi, Lagua Maubara, Lagua Souro-Lospalos no fatin balun tan.
Ho inisiativa sira ne’e bele transforma sosiedade nia mentalidade no tulun fó rendimentu maske sei kiik tebes.
Espera mós CNJTL nu’udar organizasaun foinsa’e konsulta no reve filafali planu no programa ne'ebé iha atu buka koordena ho institusaun relevante, oinsá bele hakbi’it liután, kapasidade foinsa’e sira-nian, hodi fasilita no prepara joven sira sai modelu di’ak no kuadru kompetente ba Timor-Leste nia futuru. (*)