Login to your account

Username *
Password *
Remember Me

MAPKomS Distribui STB 346 Iha Suku Lauhata

MAPKomS, Francisco Martins Jeronimo, entrega hela set top box (STB) ba komunidade iha Suku Lauhata, Postu administrativa Bazartete, Munisípiu Likisa, segunda ( 19/07). MAPKomS, Francisco Martins Jeronimo, entrega hela set top box (STB) ba komunidade iha Suku Lauhata, Postu administrativa Bazartete, Munisípiu Likisa, segunda ( 19/07). Foto Tempo Timor

Tempotimor (Dili)-Ministru Asuntus Parlamentares no Komunikasaun Sosiál (MAPKomS), Francisco Martins Jeronimo, distribui set top box (STB) hamutuk 346 ba uma-kain 346, iha Suku Lauhata, Postu Administrativa Bazartete, Munisípiu Likisá.

“Iha Oitavu Governu ne'e iha programa ida oinsá atu hadi’a iha área komunikasaun nia, liliu iha área televizaun no rádiu, nune'e governu iha programa ida hanaran diversifika sistema analog ba dijitál”, dehan Ministru Francisco Martins Jerónimo iha Suku Lauhat, segunda, (19/07).

Ho STB ne’ebé fahe ba komunidade tanba antes ne'e ekipa husi MAPKomS rekolla ona dadus ba uma-kain 346, iha suku Lauhata ne'ebé mak atu Instala sistema Dijitál Transmisaun Multimedia Terrestre (DTMT) liuhusi rádiu no Televizaun Timor-Leste, empreza públika (RTTL-ep).

Governu hakarak instala sistema DTMT ne'e tanba Timor-Leste mós hola parte iha mundu dijitalizasaun, nune'e Timor-Leste iha obrigasaun husik hela sistema analog ba sistema gijitál.

“Mundu agora dezenvolve maka’as, tanba ne'e ita mós presiza husik sistema analog ba sistema gijitál hodi bele asesu informasaun ho di'ak”, dehan nia.

Tanba ne’e husu ba komunidade iha suku Lauhata atu kuidadu sasán sira, nune'e bele asesu nafatin informasaun iha rai laran ho di'ak.

Iha fatin hanesan prezidente Autoridade Munisípiu Likisá, Pedro Paul Gomes, husu ba komunidade iha suku Lauhata atu uza didi’ak sasán sira ne'ebé governu oferese ne'e no labele ba fa’an tutan.

“Tanba sasán ne'ebé distribui kona-ba komunikasaun nia ne'e fó mai ita atu nune'e ida-idak atu monta iha uma hodi asesu informasaun iha Timor-Leste, la'ós atu ba fa’an tutan fali, tanba kanal ida ne'e ita-boot sira bele hetan informasaun barak liliu iha Timor-Leste no akompaña atividade governu nia ne'ebé iha nasionál no akontese iha suku aldeia to’o mai iha ita-nia munisípiu”, afirma nia.

Entretantu Suku Lauhata iha aldeia lima (5) ho totál populasaun hamutuk 4,326. Iha semónia fahe STB ba komunidade ne'e, akompaña máximu husi komunidade sira, xefe aldeia, xefe suku no entidade relevante sira. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter