Ministeriu Asuntu Parlamentár no Komunikasaun sosial, Francisco Martins Jerónimo hatete, kampaña sensibilizasaun ne'e atu partilla informasaun kona-ba importánsia husi vasinasaun Covid-19 hodi enkoraja no konsensializa komunidade atu tuir vasinasaun nune'e bele prevene propagasaun vírus mortál

"Tanba vasinasaun COVID-19 ne'e bele hasa'e imunidade komunidade nian hodi prevene infesaun moras kontajioza ne'e, portanto kampaña sensibilizasaun ne'e mós halo atu kombate informasaun falsa sira ka HOAX ne'ebé espalla iha mídia sosiál”, dehan Ministru Francisco Jerónimo iha Suku Lahae, sábadu (07/17).

Iha fatin hanesan, Koordenadór Jerál Covid-19, Odete da Silva Veigas, husu ba komunidade iha suku Lahae atu partisipa iha programa imunizasaun contra covid-19 nia

Tamba vasinasaun COVID-19, bele hasa'e imunidade komunidade nian hodi prevene infesaun moras kontajioza ne'e.

Entretantu organizasaun Mundiál Saúde(OMS) iha Timor-Leste, Arvind Mathur hatete, OMS nia papél no serbisu importante mak oinsá atubele hetan vasina no fó ba komunidade atu proteje-an.

Nune'e vasina ba covid -19 ne’e ba populasaun ho alvu hanesan idozu sira ne’ebé ho idade 60 ba leten, ema ne’ebé ho moras, ema ne’ebé iha liña frente no ba populasaun jerál ne’ebé husi idade 18 ba leten,

"Tanba ne'e husu ba komunidade atu labele fiar informasaun falsa sira ne'ebé espalla husi ema ne'ebé uza identidade falsa iha mídia sosiál ne'ebé iha intensaun atu estraga ema ninia konsiénsia”, afirma nia.

Nune'e OMS hamutuk ho MAPKOMS no MS fó informasaun ne’ebé mak loos nomós hakarak asegura nafatin vasina ne’ebé sei admistra liuhusi ekipa saúde nian, no vasina ne’e nia kualidade di’ak efetividade di’ak no seguru ba komunidade sira.

Aumesmu tempu Administradór Munisípiu Aile,  Abel da Conceição, apresia no agradese ba MAPKomS ho MS no OMS ne’ebé hakat to'o iha komunidade nia fatin hodi fahe informasaun kona-ba prevensaun COVID-19 liuhusi vasinasaun nian. (*)