Governu Seidauk Konstrui Portu Navál Iha Tinan 2021

Portu Navál Hera. Portu Navál Hera. Foto Suplay

Tempotimor (Dili)-Ministru Defeza (MD), Filomeno da Paixão de Jesus hatete, governu seidauk bele konstrusaun portu navál Hera iha tinan 2021 ne’e, tanba la kolokasaun orsamentu ba estudu.

“Tinan ida ne'e seidauk bele konstrui Portu Hera, tanba tinan kotuk ita la koloka osan, laiha orsamentu atu halo estudu, so tinan ida ne'e mak iha alokasaun Orsamentu”, dehan Filomeno Paixão, hafoin reuniaun ho Prezidente Repúblika, Francisco Guterres ‘Lú Olo’, iha palásiu prezidensiál Bairopite, sesta (16/07).

Maske alokasaun orsamentu ne'e rasik halo hela preparasaun aranzamentu ho Austrália atu ko'alia kona-ba doasaun Portu ne'e ho Ró.

“Tanba Portu ne'e tenke prontu ona too iha fin 2023, para ita simu Ró rua ne'e, kona-ba ita-nia parte iha defeza mós halo estudu ona hamutuk ho F-FDTL, no ami buka hatene mais ou menus estuda atu hatene folin ba Portu Hera ne'e hira”, dehan nia.

Nune'e Portu ne'e sei fahe ba fatin tolu hanesan A B no C, no estudu ida ne'e entrega hotu ona ba Prezidensiá konsellu Ministru (PCM).

“Portu ne'e fahe ba fatin tolu A, B no C, iha parte B Austrália sira mak halo A ho C ita mak halo, ida ne'e ami husu ona ba konsultan sira halo estudu, ita hetan proposta ita hasa'e ona ba PM mais ou menus atu halo parte kebra mar, purtantu taka be tahu ne'ebé husi mota ba parte loromonu ne'e labele tama ba tasi no ondas ne'ebá labele mai,ida ne'e estudus entrega hotu ona ba Prezidensiá konsellu Ministru”, afirma nia.

Entretantu kalkulasaun ba ida ne'e maizoumenus iha opsaun rua hanesan millaun 50 no millaun 90, seidauk hatene governu deside ida ne'ebé tanba ne’e sei hein hela. (*)

Rate this item
(0 votes)
Last modified on Friday, 16 July 2021 16:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter