“Pesoál ba ha’u to'o agora, ha’u la kompriende, tanbasá mak to'o agora Prezidente Repúblika seidauk dekreta, data prosesu eleisaun prezidénsial ne'e”, dehan nia iha kna’ar UNTL, Kaikoli, kinta (15/07).

Kalendáriu ne'ebé mak kontinua la dekreta hamosu konfuzaun, tanba dala ruma PR iha razaun seluk ka planu ruma ne'ebé mak di'ak liu ka oinsá.

Tanba iha esperiénsia sira anterio, tama  fulan-jullu, PR tenke dekreta ona kalendáriu ba eleisaun prezidensial atu fó posibilidade ba partidu politiku lori sira-nia kandidatu ba rejista iha Tribunál Rekursu (TR) hodi submete ba prosesu verifikasaun katak kandidatura prienxe duni rekezitu atu kompete iha eleisaun ba PR.

“Ba ha'u, nu’udar akademísta ida, ami mós análiza la hetan, tanba uluk-uluk ne'e, kuandu oras hanesan ne'e pasti ema rame ona, ema komesa ba prosesu rejistu iha tribunál rekursu hanesan ne'e para ema bele la'o ba oin”, hatete nia.

Maibé, akademista ne'e deskonfia prosesu ne'e tarde, tanba dala-ruma inpede husi surtu covid-19.

“Ha’u mós pergunta hela, covid-19 ne'e ejiste duni ka la'e”, nia dúvida.

Hatan ba kestaun ne'e, Prezidente Republika (PR), Francisco Guteres ‘Lú Olo’ hatete, desizaun kona-ba atu dekreta kalendáriu ne'e, sei iha tempu, maibé dalaruma akontese iha tinan 2021 no bele mós akontese iha tinan 2022.

“Bom, ida ne'e sei iha tempu, maibé ne'e prontu, nia provavelmente portantu, tinan ida ne'e nia remata ou bele tinan foun”, afirma nia.  (*)