“Ita hakarak muda sistema plataforma analog ba dijitál tanba ita-nia Televizaun RTTL.ep nia transmisaun ne'ebé dalaruma falla ho imajen sira, tanba ita-nia sistema ne'e sei analog tanba ne'e agora muda fali ba dijital nune'e bele fó kualidade transmisaun ba públiku”, dehan Ministru Francisco Jerónimo iha postu Railako, kinta (15/07).

Tanba programa ne'e implementa iha RTTL.ep atu ajuda komunidade oinsá hato'o informasaun ne'ebé kredivel to’o ba baze.

Maibé husu komunidade postu administrativu Railako atu koopera nafatin ho governu bainhira ekipa ba estabele dijitál transmisaun multimidia terrestre.

Ho programa dijitál transmisaun RTTL.ep ne'ebé estabelese iha postu administrativu Railako ne'e nia alvu ikus husi programa ne'e mak komúnidade hothotu tenke asesu programa dizitalizasaun.

Iha fatin hanesan Administradór postu Railako, Arlindo dos Santos, agradese tebes ba MAPKomS kona-ba programa sosializasaun sistema DTMT.

 “Ami-nia munisípiu, ami-nia postu Railako hetan oportunidade kona-ba sosializasaun dijitalizasaun ne'e, tanba ne'e ami agradese no ami sei koopera ho governu, nune'e programa ida ne'e bele la'o ho di'ak iha postu Railako ho susesu”, dehan nia. (*)