Sekretáriu Estadu Formasaun Profesionál no Empregu (SEFOPE) liuhusi Diretór Nasional Empregu Exteriór (DNEE), Filomeno Soares hatete, iha tinan 2021 ne'e sei halo rejistrasaun ba kandidatu traballadór tuan sira hodi kompete filafali tuir sistema Korea nian.
“Semana oin ami rejistrasaun ba kandidatu espesiál ba traballadór sira tuan, ida ne'ebé mak ba tiha ona iha Korea ba servisu no kontratu ona iha Korea remata ona no sira fila tinan hirak liubá maibé iha sistema ne'e Korea rekoñese katak sira-nia sistema ne'e atu loke teste espesiál ba tuan sira”, informa Filomeno iha nia kna’ar fatin Bekora, kuarta (14/07).
Ba rejistrasaun ne'e sei hala’o iha loron 22 fulan-jullu tinan 2021 no antes ne'e Diresaun Nasionál Exterior Empregu anúnsiu ona iha loron 7 fulan-jullu liubá.
“Rejistrasuannre sei hahú iha loron 22 fulan ida ne'e, no anúnsiu ita fó sai ona iha loron 7 semana hirak liuba kotuk, tama iha ami-nia website iha para fó hatene ba traballadór tuan sira, sira bele halo rejistrasaun sira Korea mak simu informasaun depois ami públika, kooperasaun servisu la'o nafatin depois sira implementa”, dehan nia. (*)
