Tanba peridu resesu iha Parlamentu Nasionál hahú husi loron 15 fulan-jullu to’o 15 fulan-setembru tinan 2021, hodi finaliza III lejislativa iha V lejislatura, hafoin tama ba IV lejislativa V lezislatura.

Totál husi deputadu na'in-31 ida ne'e, FRETILIN na’in-10, CNRT na’in-10, PLP nain-5, PD na’in-2, KHUNTO na’in-2, Bankada UDT ida, no Frente-Mudança ida.

Prezidente PN, Aniceto Longuinhos Guteres Lopez hatete, parlamentu nasional atu resesu mak fó dezezu ba deputadu 31 ne'ebé konstitui ba komisaun permanente atu servisu ho di'ak.

“Ohin ita ultimu dia III lejislativa iha V lejislatura nian, e ultima plenária estraordinária, e aban dia 15 ne'e tuir funsionamentu normál ita tama ona periudu resesu, tanba ne'e husi meza deseza bom traballu”, dehan nia iha plenária PN, kuarta (14/07).

PN fó deseza mós ba deputadu tolunulu-resin ne'ebé sei feriadu, nu’udar polítiku sei ba hala'o ninia servisu politiku, iha terenu.

“Sa tan agora aproxima dadauk ona eleisaun prezidensiál”, dehan nia.

Enkuantu diskusaun no votasaun ba projetu-deliberasaun Parlamentu Nasionál númeru 1/V(3a), ne’ebé aprova segunda alterasaun deliberasaun Parlamentu Nasionál númeru 3/2018, 27 juñu, kona-ba konstituisaun Komisaun Permanente.

Projetu-deliberasaun ne’e aprovadu ho rezultadu votasaun afavór 51, kontra 0 no abstensaun 8. (*)