Login to your account

Username *
Password *
Remember Me

CNRT ‘Dun’ Prezidente PN Diskrimina Diretu Deputada, Aniceto La Simu

Prezidente Parlamentu Nasionál (PN), Aniceto Longuinhos Guteres Lopes. Prezidente Parlamentu Nasionál (PN), Aniceto Longuinhos Guteres Lopes. Foto Suplay

Tempotimor (Dili)-Deputada Bankada CNRT, Maria "Gorumali" Bareto, dun Prezidente Parlamentu Nasionál (PN), Aniceto Longuinhos Guteres Lopes halo deskriminasaun ba diretu deputada tanba la fó oportunidade ba deputada feto husi bankada CNRT atu halo intervensaun.

"Se enkuantu mane mak, la fó oportunidade ba feto, Bankada Fretilin kuandu halo inskrisaun hotu entaun ita-boot fó oportunidade hotu, ne'e hanesan horiseihik (12/7). Mais iha tersa (06/07), ami mesak feto CNRT hotu, ita-boot la fó oportunidade, ne’ebé ha’u hakarak dehan katak ne'e deskriminasaun boot”, deklara nia iha plenária PN, tersa (13/07).

Tanba ne'e husu ba deputadu Aniceto karik loron seluk, di’ak liu deputadu ne’ebé atu halo intervensaun tantu deputadu mane ka deputada feto, meza tenke fó oportunidade hanesan.

"Ema sira ne’ebé desde horisehik (12/07) mai ne'e, labele mai tiha ita-boot halo fali deputadu sira ne’ebé mak horisehik halo tiha intervensaun, agora fó nafatin tempu ba sira, ami sira ne’ebé mak alista naran desde horisehik to'o ohin loron hein tempu, dehan katak tanba ami feto de'it mak iha lista ne'e entaun hatama tan mane ba ne'eba”, afirma nia.

Maibé, Prezidente PN, Aniceto Longuinhos Guteres Lopez, la konkorda ho deklarasaun deputada CNRT ne’ebé ko’alia buka defama meza PN sein hatudu faktu.

"Ha’u la simu, ne'e demaisioza, parese iha intesaun atu dezakredita ha’u iha ne'e, horisehik (12/07) antes ita-boot tama iha sala nene'e, deputadu CNRT na’in-rua ko’alia tiha ona, tanba to'o sira inskreve uluk, ha’u halo deskriminasaun halo nusa”, dehan nia.

Iha loron segunda (12/07), meza PN deside la fó oportunidade ba deputadu sira tanba ho razaun sira tama plenária atraza.

Tanba ne'e laiha razaun deputadu husu tempu atu ko’alia, tanba ema seluk ne’ebé tama uluk tiha ona, inskreve no hein ona.

"Ne'e mak ha’u fó sansaun horisehik ha’u la fó tempu ba sira ne’ebé inskreve atraza ne'e, kuandu atu akuza ema ne'e tenke iha faktu, koiñese didi’ak”, hatete nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter