"Em relasaun ho vasina, atu hatete de'it katak vasina ne'e depois de halo tiha lansamentu vasina ba munisípiu hothotu, ikus mai katak iha fatin balun stok ne'e la to'o, e presiza tenke aumenta tan. Vasina to'o tan mai ona, sei halo destribuisaun ba fali iha Munisípiu sira”, hatete Ministru Francisco iha plenária Parlamentu Nasionál (PN), segunda (12/07).

Maibé governu mosohanoin atu halo avaliasaun ba prosesu vasinasaun iha rai laran, tanba haree durante ne'e distribuisun vasina iha Munisípiu sira ho kuantidade ki’ik liu, nune'e fó impaktu ba hasa'e taxa vasinasaun.

"Ami mós hanoin, governu mós halo hela avaliasaun, duke orsida fahe hanesan de'it ba Munisípiu hothotu  ho kuantidade ki'ik depois ema mai forma barak, ikus mai labele hetan, halai fali ba fatin seluk”, hatete nia.

Maibé desizaun ne'e sei diskute iha reuniaun interministerial entre membru governu sira atu foti desizaun foun.

"Se hanoin halo uluk ba Munisípiu sira ne’ebé mak fronteira, primeiru para stok ne'e sufisiente, atu nune'e sira hotu hetan tiha vasina depois muda fali mai Munisípiu sira tutuir malu to'o remata”, dehan nia. (*)