Print this page

Dijitaliza RTTL Ajuda Komúnidade Sai Husi Palataforma Analog

Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, programa dizitalizasaun Rádiu Televizaun Timor-Leste, empreza públika (RTTL.ep) ajuda komunidade sai husi situasaun plataforma analog ba dijital.

Programa ne'e implementa iha RTTL.ep atu ajuda komunidade oinsá hato'o informasaun ne'ebé kredivel to’o baze, nune'e husu komunidade Postu Administrativu Laulara atu koopera ho governu bainhira ekipa ba estabele dijital transmisaun multimedia Terrestre.

"Ita hakarak muda sistema plataforma analog ba dijital tanba ita-nia Televizaun RTTL.ep nia transmisaun ne'ebé dalaruma falla ho imajen sira, tanba ita-nia sistema ne'e sei analog tanba ne'e agora muda fali ba dijital nune'e bele fó kualidade transmisaun ba públiku”, dehan Ministru Francisco Jerónimo iha postu Laulara, sesta (09/07).

Programa dijital transmisaun RTTL.ep ne'ebé estabelese iha Postu Administrativu Laulara ne'e, alvu ikus liuhusi programa ne'e mak komúnidade hothotu tenke asesu programa dizitalizasaun.

Dadaun ne'e atu tama ba faze Instalasaun Set top box (STB) ba uma na’in sira, husi STB mak pakote ne'ebé hanesan, antena, fiu no receiver.

Iha fatin hanesan Administradór Munisípiu Aileu, Abel da Conseição, agradese ba governu bele halo sosializasaun dijital ba komunidade oinsá bele hatene lalaok programa ne'e.

"Ami-nia munisípiu hetan oportunidade kona-ba sosializasaun dijitalizasaun ne'e, ami agradese no ami sei koopera ho governu nune'e programa ida ne'e bele la'o ho di'ak iha Munisípiu Aileu”, afirma nia.

Entretantu asesor MAPKomS, Graciano dos Santos hatete, sosializasaun ne'ebé hala'o ona ne'e, ekipa tékniku sei filafali ba Laulara hodi rekolla dadus Komúnidade ne'ebé iha televizaun atu rejistu, hafoin sira lori sasán STB ba monta iha kada Komúnidade nia uma.

Enkuantu Material STB ne'e dadaun ne'e prepara ona atu distribui ba komunidade Laulara hamutuk 750 ba umak-ain 750. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items