Print this page

TL Atribui Donativu ho Rihun US$50 ba ONU

Ministra Negósiu Estranjeiru no Kooperasaun, Adaljiza Albertina Xavier Reis Magno. Ministra Negósiu Estranjeiru no Kooperasaun, Adaljiza Albertina Xavier Reis Magno. Foto Suplay

Tempotimor (Dili)-Governu liuhusi Konsellu Ministru (KM) aprova rezolusaun Governu hodi atribui donativu ho rihun US$50 ba komemorasaun aniversáriu Organizasaun Nasaun Unidu (ONU) nia ba tinan 75.

“Aprova ona, ho alterasaun sira, projetu Rezolusaun Governu nian, ne’ebé aprezenta husi Ministra Negósiu Estranjeiru no Kooperasaun, Adaljiza Albertina Xavier Reis Magno, ne’ebé atribui donativu ho dolar amerikanu rihun 50 ba inisiativa Sekretáriu-Jerál Organizasaun Nasoins unidas (ONU) ho títulu “ Ajenda komun ida nu’udar resposta ba dezafiu sira agora no futuru nian”, informa Ministru Prezidente Konsellu Ministru, Fidelis Leite Magalhães, iha palasiu governu, kuarta (07/07).

Tanba proposta ne’e mai atu hatán ba dezafiu Sekretáriu Jerál ONU nian, ne’ebé apela kontribuisaun membru Nasaun Unida sira-hotu ba kontribuisaun finanseira, tuir deklarasaun hodi komemora aniversáriu ONU nian ba tinan 75.

Iha apela ne’ebé ko’alia katak presiza tebes atu hametin multilateralizmu no revitalizasaun knaar Nasaun Unida nian iha mundu agora. (*)

 

Rate this item
(1 Vote)
Last modified on Wednesday, 07 July 2021 20:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items