“Ha’u hanoin governu tenke halo ezersisiu atu haree orsamentu ne'ebé mak Parlamentu Nasionál aprova ona iha Orsamentu Rektifikativu no Orsamentu Jerál Estadu (OJE) 2021 nian ne'ebé prevé ona pagamentu sira ho karater urjénsia, ka ema sira ne'ebé presta ona servisu responde ba mítigasaun e prevensaun ba covid-19, liliu ba sira front line, uza ida ne'e atu halo pagamentu ba sira”, dehan nia iha PN, kuarta (07/07).
Maske dekretu lei foun ne'ebé governu introdúz ne'e, hetan veta husi Prezidente Repúblika (PR), Francisco Guteres ‘Lú Olo’, maibé governu nafatin iha dalan atu selu lina frente sira.
“Ha’u hanoin dalan iha nafatin, husi legalidade ba dekretu governu ida anterior, espera katak osan mós iha, verba sei iha nafatin atu selu frontline sira”, hatete nia. (*)
