Xefe bankada KHUNTO, Olinda Guteres hatete, Armanda Berta mós nu’udar feto maluk, ne’ebé iha diretu atu envolve iha vida polítika tanba lala'ok polítiku ne'e mak agora dadauk hetan kadeira lima iha Parlamentu Nasionál.
Tanba ne'e, estrutura no membru partidu KHUNTO kontinua defende Armanda Berta tanba nia iha kapasidade atu kandidata ba PR.
"Ida fali dehan katak inkapasidade, ha’u haree Berta ne'e la'ós inkapasidade, Berta nia kadeira lima ne'e, kapasidade iha mak hetan kadeira lima, se ema inkapasidade, kadeira lima ne'e laiha ida”, dehan nia ba www.tempotimor.com iha PN, tersa (06/07).
Maibé, husu mós ba sosiedade, sira ne’ebé hakarak kritika Armanda, lei fó dalan para sira (mane no feto) bele kandidatu nia-an ba prezidente repúblika, tanba lei la bandu.
"Iha diretu para se de’it mak kandidatu nia-an”, hatete nia. (*)