Login to your account

Username *
Password *
Remember Me

FRETILIN kontra, PN Ratifika Ona FM Featured

Xefe Negosiador Fronteira Maritima, Kay Rala Xanana Gusmao esplika hela ba PN kona ba ratifikasaun lei sira ke iha relasaun ba Tratadu Tasi Timor Xefe Negosiador Fronteira Maritima, Kay Rala Xanana Gusmao esplika hela ba PN kona ba ratifikasaun lei sira ke iha relasaun ba Tratadu Tasi Timor Foto Tempo Timor

Tempotimor (Dili) – Proposta Resolusaun ho Número 2/V (1a) kona – bá ratifikasaun tratadu entre Timor – Leste ho Australia, ne’ebé estabelese respetivas Fronteira Maritima iha tasi Timor hetan ona aprovasaun ho total votu afavor 42 hosi bankada AMP no votu kontra hamutuk 23 hosi bankada FRETILIN.

Tuir observasaun Tempo Timor katak, hafoin Prezidente Parlamentu Nasionál (PPN), deputadu Arão Noe de Jesus anunsia rezultadu votasaun katak tratadu ne’e ratifika ona, deputadu sira hosi AMP simu ho haklalak no basa liman maka’as tebes, maibé iha sira nia sorin deputadu sira hosi bankada FRETILIN tur hakruk hodi nonok de’it. Liu tiha ida ne’e, PPN, deputadu Arão konvida deputadu sira hotu hamrik hodi fó respeitu ida ba saudozu Prezidente Repúblika, Nicolau dos Reis Lobato inklui matebian sira kuaje 200.000 to’o saudozu Komandante Samba 9 durante minutu balun nia laran, maibé hosi bankada FRETILIN úniku deputadu Somotxo ho deputadu Francico Miranda Branco mak hamrik, no restu ne’e tur nonok de’it. 

Entretantu, xefe bankada FRETILIN, deputadu Aniceto Guterres deklara katak, bankada FRETILIN kontinua vota kontra ba Proposta Resolusaun ho Número 2/V (1a) kona – bá ratifikasaun tratadu entre Timor – Leste ho Australia, ne’ebé estabelese respetivas Fronteira Maritima iha tasi Timor, tanba tratadu fronteira maritima ne’ebé PN aprova dadauk ne’e loke dalan ona ba Timor – Leste atu fahe nia rekursu ho gratuita ba Australia.

“Tratadu ida ne’e mós entrega ita nia soberanea balun ba Australia atu halo jestaun ba ita nia riku soin iha ita nia rai laran. Tanba ne’e duni kontrariu ho retorika sira ne’ebé dehan katak ho fronteira maritima ne’e ita manan soberanea kompleta,” deklara deputadu Aniceto. 

Entretantu, PPN, deputadu Arão Noe de Jesus katak diferensia iha votu ne’e normal iha vida politika. 

Iha sorin seluk, xefe negosiador fronteira maritima, Kay Rala Xanana Gusmão sente kontente tebe ho ratifikasaun ne’e, maske bankada FRETILIN kontinua kontra total. 

“Ita tenke kontente tanba ita hetan fronteira ida ho nasaun ida to’os tebes,” hatete Xanana.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter