SEA Estabele Komisaun Avaliasaun Impaktu Ambientál Ba Projetu Rua

 Membru Komisaun Avaliasaun Ambiental ba Projetu Reahabilitasaun, Melloramentu Ateru Tibar no Projetu Hotel Hilton foto hamutuk hafoin halo prepara komisaun ba avaliasaun iha salaun esperansa Ai-mutin, segunda (05/07).  Membru Komisaun Avaliasaun Ambiental ba Projetu Reahabilitasaun, Melloramentu Ateru Tibar no Projetu Hotel Hilton foto hamutuk hafoin halo prepara komisaun ba avaliasaun iha salaun esperansa Ai-mutin, segunda (05/07). Foto Tempo Timor

Tempotimor (Dili)-Sekretériu Estadu Ambiental (SEA) liuhusi Ajénsia Lisensiamentu Ambiental kria komisaun avaliasaum impaktu ambientál ba projetu reabilitasaun melloramentu ateru Tibar no projetu otél Hilton iha Dili.

Sekretáriu Estadu Ambiente, Deometro Amaral hatete, estabelese komisaun ba impaktu ambiental projetu boot rua, ho kategória ida ho ateru rai kontroladu ba liseiru iha tibar no ida dezenvolvimentu otél Hilton ho kuartu atus ida liu ho marka boot.

“Projetu rua ne'e, importante tebes ba Timor-Leste iha nia karater servisu, ateru kontroladu Tibar ita hatene sei fó solusaun ba problema lixu ne'ebé ita infrenta”, esplika nia iha salaun esperansa Ai-Mutin, segunda (05/07).

Tanba lixu iha munisípiu Likisá, Postu Administrativu Bazartet, Suku Tibar durante ne’e hasoru problema barak, sunu no halo moras ba populasaun sira.

“Ita presiza duni halo kapasidade halo jestaun ba lixu ne'ebé di'ak liu, projetu ateru kontroladu ne'e sei mellora lixeiru iha Tibar ektare 15, atubele iha kapasidade fó jestaun ba lixu ho ninia tempu naruk no ida ba ot’el Hilton ita hatene bele ajuda indikadór infraestrutura iha Timor-Leste, iha área turizmu nomós bele ajuda kapasidade Timor-Leste ninian bele hostin konferénsia internasionál sira”, afirma nia.

Tanba Otél Hilton nia prezensa mós importante ba Timor-Leste no desezu komisaun rua ne'e bele servisu lalais ho kualidade atu hametin autoridade iha nia sevisu.

Iha fatin hanesan, Diretora Ajensia Planeamentu Munisípiu Dili, Emeliana Soares hatete, iha ona ekipa atu halo avaliasaun ba dokumentu sira ne'ebé komponente sira hatama.

“Bainhira projetu ne'e la'o ona iha tinan tuir mai, ita-nia esperansa boot katak, bele fó benefisia di'ak ba ita hotu tanba iha ne'ebá jestaun ne'e rasik ita sei halo tuir estandar internasionál nian, ne'ebé proponente sira rasik agora ne'e iha ona faze ita bele dehan katak iha ona projetu ho tipu ICB (Internasionál Competesion Belding) projetu ne'e sei kaer diretamente husi kontetor ne'ebé mak sei pasa iha selesaun”, dehan nia.

Tuir aprovasaun iha enkontru ne'ebé governu konkorda liuhusi ministériu estatal propoin osan rihun US$20 atu implementa projetu ne'e iha futuru hodi fahe ba komponente Tibar nian rekollamentu lixu transporte nian, nomós sosa ekipamentu atu instala iha sidade Dili no ba Oltél Hilton ho montante osan sira la hatene, tanba kompaña privadu. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter