“Impasse polítika desde tinan 2017 to'o ohin loron ne'e laiha rohan, hanesan tiha ita-nia povu ne'e laiha kondisaun atu dezenvolve nia-an iha terus no susar, povu ne'e iha hela kbi’it ne'ebé povu iha mak mina nia folin ne'ebé agora 18 bilhões de dollar, atu hetan de'it vasina mós tenke hein tane liman husi ema doadór sira fó ba realidade povu ne'e iha hela osan atu povu ne'e proteje sira husi vaksin”, dehan Adérito Hugo iha Sede Klibur Tane Aas Obra Maun Boot Kay Rala Xanana Gusmão, Palapasu, sábadu (03/07).

Nune’e, kestiona mós kapasidade Governu ne'ebé halo jestaun orsamentu Jerál estadu ba Vasina ne'ebé mak Timor-Leste implementa.

"To'o oras ne'e aimoruk AstraZeneca no Sinovac mamuk hela tanba ita hein de'it ema atu fó, maibé nia realidade ita hela osan, inkapasidade atu halo jestaun ba Covid-19 nian, ida grave liu mak foin akontese loron hira liuba Governu hasai rezolusaun dehan katak sé mak hetan kauza hetan husi Vasina mate karik hetan dez mill, la mate karik sete mill no moras karik 2 mill hanesan fali ema nia vida ne'e bele selu ho osan, sala boot, jestaun la'ós labele halo hanesan ne'e”,  afitma nia.

Tanba povu mak mate ba AstraZeneca maibé fó valor umanu ne'e iha, nune'e labele sosa ema ida ho osan rihun-ida.

"Maibé povu presiza mak kapasidade governasaun atu proteje nia povu ema ida labele ida moras, no ida mate, ne'e la'ós governasaun ida ne'e la serve”, dehan nia. (*)