“Importante ita atu hatene katak iha simeira ne'e ita sei aprova mós lema foun husi prezidensiál Angola nian maka, liliu sei fokus ba asuntu ekonómiku ne'ebé mak sei haree kona-ba kooperasaun ekonómia nian, depois mós ita sei promove kona-ba mobilidade ne'e mak topik importante Timor-Leste sei partisipa hodi aprova”, informa Ministra Adalzija hafoin sorumutu ho Prezidente Repúblika, Francisco Guterres 'Lú Olo' iha palásiu prezidensiál Bairopite, sesta (02/07).
Tanba ne’e, Mnistra rasik ko'alia ho Prezidente Repúblika kona-ba preparasaun simeira CPLP iha Luanda hodi haree asuntu hothotu, liliu ba preparasaun tema ne'ebé mak Angola sei uza, hafoin kona-ba planu saida mak Timor-Leste sei deklara no anunsia iha ne'ebá hanesan pozisaun Timor-Leste nian.
“Ha'u la bele divulga lai, imi hein semana ida tan bainhira sasán sira ne'e prontu hotu ona, ami sei fó sai kona-ba pozisaun Timor-Leste nian loloos ba asuntu ne'ebé mak sei debate iha Luanda”, promete nia.
Nune’e mós iha proposta barak mak hato’o ona ba Xefe Estadu, no hetan asestasaun hodi bele ba deklara iha simeira.
“Ami iha proposta ne'ebé ami hatama, prezidente iha ona reprezentante vise primeiru ministru, entaun nia aseita proposta sira ne'ebé ami fó no nia fó liamenon kata ba, atu hodi aseita proposta sira ne'ebé ami hato'o hodi deklara iha ne'ebá”, dehan nia. (*)
