Login to your account

Username *
Password *
Remember Me

PN Sei Haruka Alterasaun Lei Eleitorál ba PR Lú OLo

Prezidente Komisaun A, Deputadu Joaquim dos Santos. Prezidente Komisaun A, Deputadu Joaquim dos Santos. Foto Suplay

Tempotimor (Dili)-Komisaun A ne’ebé trata asuntu Konstitusionál no Justisa, submete ona proposta alterasaun lei eleitorál tolu ba meza Parlamentu Nasionál (PN) no iha semana ne’e bele haruka ba Prezidente Repúblika (PR) halo promulgasaun.

“Komisaun A finaliza ona redasaun finál kona-ba lei tolu kona-ba alterasaun ba lei órgaun administrasaun eleitorál, resensiamentu eleitorál no eleitorál ba Prezidente Repúblika. Ohin kedas Komisaun A haruka ba Prezidente Parlamentu Nasionál atubele konsidera. Aban ka bainrua, haruka ba Prezidente Repúblika halo promulgasaun,” informa Prezidente Komisaun A, Deputadu Joaquim dos Santos iha uma fukun, kinta (01/07).

Enkuantu Parlamentu Nasionál (PN) iha loron 28 juñu 2021 deside altera pakote lei eleitorál tolu hanesan lei eleitorál ba Prezidente Repúblika, lei órgaun administrasaun eleitorál, no lei resensiamentu eleitorál iha finál globál ho votu afavor 62.

Husi artigu hirak ne'ebé hetan alterasaun iha lei  Eleitoral Prezidente Republika, hamutuk 11 hanesan 19, 31, 32, 36, 38, 39, 40, 41, 44, 45 no 68.

Aleinde, alterasaun ba proposta lei órgaun administrasaun eleitorál ne'e, altera ona artigu 8, 12, 14 no 15.

Nomós lei resensiamentu eleitorál ne'e konsege altera artigu hamutuk 13 hanesan artigu 12, 13, 15, 16, 17, 22, 23, 26, 29, 30, 34, 36 no 51.

Enkuantu, politika governu hodi husu halo alterasaun ba lei eleitorál tolu ne’e, la’ós substansiál maibé halo de’it emendasaun.

Tanba bazeia ba introdusaun foun iha lei eleitorál ba Prezidente Repúblika hodi estabelese sentru votasaun paralelu atu oinsá fasilita sidadaun sira partisipa eleisaun Prezidente Republika iha tinan 2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter