Login to your account

Username *
Password *
Remember Me

KHUNTO Konsidera MS ‘Failla’ Sosializa Vasina ba Komunidade

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO), Olinda Guteres, konsidera Ministériu Saúde (MS) failla halo sosializasaun ba komunidade kona-ba programa vasinasaun kontra Covid-19.

“Ha’u hanoin tuir ha’u-nia haree, menus de sosializasaun husi saúde ninian. Purtantu kona-ba vasina ida ne'e, ha’u sente katak AstraZeneca aprova ona, ne'ebé la'o duni ho ida ne'e maibé ita-nia maluk balun ne'ebé mak iha munisípiu sira la dun rona informasaun”, hatete Olinda iha Parlamentu Nasionál (PN), kinta (01/07).

Tanba, vasina AstraZeneca ne'ebé lori mai implementa Timor-Leste ida ne'e estadu mak aprova atubele uza, maibé povu la dun hatene informasaun ida ne'e.

Tuir lolos, Ministériu saúde tenke ba halo sosializasaun hodi esplika ba povu, oinsá bele simu vasina no la simu tanba saida, moras saida, tenke esplika.

“Uluk iha PN mós ha’u ko’alia hanesan ne'e, husu ba Ministra Saúde ho nia ekipa tomak, antes atu halo vasina, tun ba área rurál sira ne'e, atubele esplika didi’ak ba povu”, dehan nia.

Tanba hafoin mosu Covid-19 iha Timor-Leste, maibé mosu tan ona varian foun delta plus, ne'ebé nia transmisaun da'et lalais de'it husi ema ba ema.

“Ne'ebé di’ak liu husu ba Ministériu Saúde ho Komudor sira atu la'o ba munisípiu 12 inklui RAEOA, atu halo sosializasaun, antes fó vasina”, dehan nia.

Iha fatin hanesan Deputada Bankada CNRT, Veneranda Lemos, promete sei ejize nafatin atu Komisaun F trata asuntu Saúde bolu Ministériu Saúde hodi klarifika kona-ba atendimentu governu nian ba povu kbi’it la'ek atubele simu vasina.

“Ha’u sei sujere para bolu Ministériu Saúde, hodi husu sira-nia klarifikasaun, e sira-nia atendimentu ba povu ki’ik sira ne'e, tanba ema lian la to'o, mai habosok de'it dehan katak, se la vasina sei la hetan subsídiu, ne'e labele”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter