“Fatór ida ne’ebé halo ita konsege iha susesu iha kontrolu moras Covid-19 tinan kotuk mak, altura ne’ebá ita iha opozisaun responsável ida ne’ebé iha étika hodi la politiza moras ba interese polítika. Ita presiza rekoñese papél partidu FRETILIN nian iha tinan kotuk nu’udar opozisaun ne’ebé fó lisaun boot mai ita,” dehan Ministru Fidelis iha nia account facebook “Fidelis Leite Magalhães” iha tuku 13:29 oras TL, Kuarta (30/06).

Hafoin Ministru ne’e update nian estatus iha facebook, www.tempotimor.com tenta konfirma ho governante ne’e, maibé laiha fatin ba www.tempotimor.com, tanba govenrante ne’e hetan seguransa másimu husi seguransa pesoál sira, nune’e fila kedas ba nia rezidénsia iha Palásiu Governu.

Entretantu observasaun tempotimor nian iha terenu nota katak, Ministru Fidelis Manuel Leite Magalhães hakerek deklarasaun ne’e iha facebook, tanba bainhira Fretilin viabiliza governu konstituisionál daualu no hetan krítika maka’as husi bankada opzisaun hanesan Kongresu Nasionál Rekustrusaun Timor (CNRT) ne’ebé prienxe kadeira 21 iha uma fukun Parlamentu Nasionál.(*)