Login to your account

Username *
Password *
Remember Me

Ofesialmente MKAE Ezonera Ona Prezidente SLN

Prezidente Sentru Lojistika Nasional (SLN) Augusto Trindade. Prezidente Sentru Lojistika Nasional (SLN) Augusto Trindade. Foto Tempo Timor

Tempotimor (Díli)-Maske mandatu ne’ebé Prezidente Sentru Lojístika Nasionál (SLN), Augusto Trindade seidauk to’o maibé ohin kuarta (30/06/2021) simu ona envelope ezonesaun husi Ministru Koordenadór ba Asuntu Ekonómiku (MKAE) Joaquim Amaral.

Hafoin simu envelope ne’e, Prezidente CLN ezoneradu Augusto Trindade agradese ba knaar ne'ebé durante ne'e nia asume liuhusi media sosiál facebook.

"Obrigadu wa’in Nai Maromak, matebian, rai-lulik Timor nian ne’ebé akompaña ha’u durante ne’e. Ohin ha’u atan ofisialmente simu ona karta ezonerasaun husi MKAE ba ha’u-nia pozisaun hanesan prezidente SLN ba periodu tinan haat. Husi 2018 to’o 2022 ne’ebé ha’u konsege de’it tinan tolu ho balun. Hanesan Timoroan ha’u atan simu no kumpri ho hakruk ba desizaun tomak," dehan prezidente SLN ezoneradu Augusto liuhusi nia account Facebook ho naran “Augusto Junior Trindade”, Kuarta (30/06)

Nia mós agradese ba entidade hotu iha nasionál no internasionál ne’ebé durante ne’e sai ona parseiru hodi servisu hamutuk.

"Iha oportunidade ne’e la haluhan agadese ba entidade hotu ne’ebé durante ne’e servisu hamutuk iha ha’u-nia mandate, tantu nasionál no internasionál. hanesan ema maksala ha’u husu deskulpa se ha’u-nia atendementu, atetude, lalaok la konsege tulun ita, tantu hanesan grupu ka personal, ha’u husu deskulpa i deskulpa," hatutan nia.

Hafoin simu karta ezonerasaun, prezidente SLN ezoneradu ne’e entrega kedas patrimóniu hotu estadu nian ne’ebé durante ne preidente ezoneradu utiliza nomós dokumentu hotu ne’ebé sai hanesan evidénsia ba plano hamutuk, halo hamutuk no rezulta hamutuk tuir mandatu dekretu Lei SLN haruka.

Alende ne’e, ministru MCAE mós indika hikas Gervasio de Jesus ne’ebé molok ne’e reprezentante assume responsável povu iha uma fukun Parlamentu Nasionál (PN) husi partidu Frente Revolusionáriu Timor-Leste Independente (FRETILIN) iha primeira lejislatura.

Entretantu tuir oráriu katak, aban Kinta (01/07/2021) parte lorokraik prezidente SLN indizitadu Gervasio de Jesus sei simu pose nu’udar prezidnete SLN ba periodu tinan haat iha edifísiu SLN.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter