Tanba kestaun vasina ne'e, Bankada FRETILIN husu bebeik iha plenária, nune'e hetan kedan resposta husi Embaixadór Austrália nian ne'ebé, hatete politikamente la bandu ema atu vasina, tanba iha nasaun iha mundu mós uza hotu vasina AstraZeneca.
“Horibainhira mak ita-boot sira konkorda ne'e, desde inisiu kedas vaksin mai mós hanesan, ema sira péritu ne'e, ema CNRT mós iha laran, imi la fiar polítiku sira, ita-boot (deputadu CNRT) sira nein doutór tan, balun la estuda tan kon-ba medisina nian, balun la'ós parteira tan, balun la'ós enfermeiru tan, ko’alia hanesan fali ema enfermeiru, ko’alia hanesan ema doutór, ne'e halo nusa mak ne'e”, deklara Antónino iha plenária PN, tersa (29/06).
Pozisaun bankada Fretilin defende Vasina AstraZeneca ne'e la’ós atu halo kampaña, maibé husu povu atu kumpre vasina AstraZeneca ne'ebé estadu deside ona hodi bele uza ba prevene Covid-19 iha Timor-Leste.
Ba kestaun ne'e, Deputada Bankada CNRT, Maria Verginha Anabelo hatete, deskorda governu atu kontinua fó vasina AstraZeneca ba ema ho idade 60 mai kraik.
Tanba nia parte simu informasaun balun husi nia oan sira ne'ebé hala'o estudu iha nasun Portugal, maske sira-nia idade 18-20, maibé governu Portugal bandu sira atu simu kualker vasina ne'ebé nasaun Portugal hetan.
Aleinde vasina ne'e, sira so fó de'it ba sidadaun ne'ebe ninia idade 50 ba leten no la autoriza atu fó ba idade 50 mai kraik. (*)