Login to your account

Username *
Password *
Remember Me

PM Taur ‘Haruka’ MOP Prioritiza Estrada Rurál ba Zona Produtivu

Estrada balun ne'ebe iha area rural kondisaun at hela. Estrada balun ne'ebe iha area rural kondisaun at hela. Foto Suplay

Tempotimor (Díli)-Primeiru Ministru (PM), Taur Matan Ruak, haruka Ministru Obras Públika (MOP) atu aselera servisu prioridade ba estrada rurál ba Zona produtivas iha rai laran.

“Estrada rurál sira, ha'u hatene katak señor Ministru Obras Públika, halo esforsu maka'as mais estrada rurál ita fó ba zona sira mais produtivu sira fó prioridade ezemplu kafé, ita iha kafé mais ita estrada la di'ak halo nia mak populasaun bele asesu, halo oinsá mak ita tau matan ba sira”, deklara PM Taur iha Ministériu Finansas, Aitarak Laran, tersa (29/06).

Tanba área sira ne'ebé mak iha produsaun haree maka'as no sira ne'ebé produsaun koto maka'as atu hadi’a uluk dalan ba sira atu motiva komunidade.

Aliende ne’e husu atu MOP hadi’a Aeroportu Internasionál Prezidente Nicolau Lobato tanba Aeroportu dadaun ne’e nia kondisaun la di'ak.

“Ita bele Aeroportu di'ak iha Oekussi mais Dili ne'e la di'ak ne'e ita problema ne'e, ida ne'e kapitál ne'e, entaun presiza, projetu ida ne'e avansa ba oin”, afirma nia.

Antes ne'e, Konstrusaun Aeroportu ne'e oferese gratuita hosi governu Japaun liuhusi Japan International Coperation Agency (JICA) ba Timor-Leste ho totál orsamentu millaun US$45.

Ba implementasaun ba konstrusaun ne’e sei hahú ho konkordánsia formál iha fulan-maiu tinan 2019, entre governu Timor-Leste ho Governu Japaun, foin loke konkursu iha fulan-dezembru no konstrusaun sei hahú iha fulan-marsu tinan 2020.

Maibé to'o ona fulan-jullu tinan 2021 konstrusaun ba Aeroportu Nicolau Lobato ne'e seidauk hahú. (*)

Rate this item
(0 votes)
Last modified on Tuesday, 29 June 2021 18:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter