Deputadu Bankada Frente Revolusionáriu Timor-Leste no Independente (FRETILIN), Fabião de Oliveira hatete, nia parte kestiona maka’as ba polítika BTL,ep nian hodi la utiliza funsionáriu Públiku kuaze atus ida-resin.

“Tanba ne'e se bele karik, atu halo investigasaun ida ba (Be Timor-Leste) empreza públiku, atu haree lolos kazu ne'ebé mak akontese iha ne'ebá”, dehan nia iha Plenária PN, tersa (29/06).

Tanba, trabaladór sira ne'e hala'o servisu iha tinan barak nia laran no sira iha espriénsia atu halo servisu.

Pozisaun Fretilin lamental tebes-tebes, tanba iha traballadór sira ne'ebé mais husi mate restu 12 de novembru, tuir konkursu la pasa.

“Sira iha ona esperiénsia tinan barak nia laran, atubele halo operasaun servisu iha empreza públika Be Timor-Leste”, dehan nia.

Iha fatin hanesan Deputadu Bankada Kmanek Haburas Unidade Nasionál Timor Oan (KHUNTO), António Verdial, konsidera prezidente BTL,ep ezekuta lei la tuir nia dalan.

Tanba iha Implementasaun dekretu Lei N⁰. 4/2020 25 de Setembro, kria empreza Públika Bee Timor Leste aprova ho respetivu Estatutu (Artigo 8) laiha diskrisaun ida ne'ebé klaru kona-ba funsionáriu kuadru públiku iha Servisu Água no Saneamentu (SAS) atu hetan ezonerasaun.

“Ha’u hakfodak oituan ho asaun ne'ebe halo husi ema boot ho pozisaun prezidente BTL.ep”, dehan nia.

Nune'e mós Deputadu Bankada Partidu Libertasaun Popular (PLP), Abel Pires, husu atu hala'o investigasaun ba Polítika ne'ebé mosu iha Be Timor-Leste atubele identifika iregularidade hodi hadi’a. (*)