Diretór Nasionál Formasaun Profesionál-SEFOPE, Mateus Alfredo dos Santos hatete, SEFOPE loke abertura ba formasaun inkluzivu atu prepara rekursu umanu ba ema ho defisiénsia sira.
“Formasaun ida ne’e ba ita-nia manorin na’in sira husi sentru formasaun 6, atu oinsá mak ita prepara rekursu umanu ba formasaun ida ne’e hodi bele akumula mós ita-nia maluk ho ema defisiénsia sira, atu nune’e partisipa iha formasaun ida ne’e rasik”, dehan Mateurs iha ADTL, Mascarinhas, segunda (28/06).
Iha fatin hanesan, Diretór Ezekutivu Assosiasaun Defisiénsia Timor-Leste (ADTL), Cezário da Silva hatete, husi formasaun ida ne’e ADTL ho Raes Hadomi Timor oan (RHTO) hetan apoiu husi Programa Dezenvolvimentu Forsa Traballu (WDPTL) no SEFOPE, ne’ebé realiza formasun bazeia ba deskobrementu ne’ebé halo ona iha fulan-marsu.
“Ita hatene katak formasaun ida ne’e ami halo ba organizaun sira liliu iha sentru formasaun sira, no iha sentru formasaun 13 mak ami ba vizita no deskobrementu ida katak sira-nia koiñesimentu ba asuntu defisiénsia nian mak menus, ho ida ne’e ohin ita realiza ona formasaun ka treinamentu vokasionál ida ba manorin sira iha edukasaun inkluziva”, dehan nia.
Husi formasaun ne’e atu eleva koiñesimentu kona-bá asuntu defisiénsia inklui iha asuntu defisiénsia hodi assegura partisipasaun no dezenvolvimentu ema ho defisiénsia iha sentru formasaun.
Sentru formasaun 6 iha kapital Dili hanesan sentru treinamentu Juventude, Dom Bosco, Vizaun Foinsa’e, Bekora, Tibar no seluk tan mak hetan ona akreditaun. (*)