Login to your account

Username *
Password *
Remember Me

Lei FP no Rejime Laboral Passa Featured

Xefe Negosiador Prinsipal Fronteira Maritima Xanana Gusmao halo hela esplikasaun iha Plenaria Parlamentu Nasional iha Kuarta Feira (17/07) Xefe Negosiador Prinsipal Fronteira Maritima Xanana Gusmao halo hela esplikasaun iha Plenaria Parlamentu Nasional iha Kuarta Feira (17/07) Foto Tempotimor
Tempotimor (Dili): Lei Fundu Petrolíferu número 9/2005, 3 Agostu ho Lei Regime Laboral no Mingratoriu Espesial Aplikavél ba Projetu Bayu Undan no 7/V passa ona durante debate espesialidade iha Komisaun C Parlamentu Nasionál. 
Lei Fundo Petrolifero no 9/2005, 3 Agostu iha votasaun jeneralidade Kinta (18/07/2019) hetan votu afavor 40, kontra 23, abstensaun ida no iha votasaun espesialidade ne’ebé hala’o iha Sesta (19/07/2019) hetan votus afavor 9, kontra 4 hosi deputadu FRETILIN sira. 
 
Iha fatin hanesan, Lei Regime Laboral no Mingratoriu Espesial Aplikavél ba Projetu Bayu Undan no 7/V 1 Jullu iha votasaun jeneralidade iha Kinta (18/07/2019) hetan votu afavor 41, kontra 23, abstensaun zero. Maibé, iha votasaun espesialidade ne’ebé hala’o iha Sesta (19/07/2019) hetan votus afavor 9 no kontra 4. 
 
Prezidente Komisaun C ne’ebé trata assuntu Finansas Públika, Fernanda Lay esplika, lei rua ne’e passa ona iha debate espesialidade iha komisaun, maibé nafatin hetan vota kontra hosi deputadu opozisaun FRETILIN sira. 
 
Deputada Lay hatutan, bazeia ba Komisaun C nia kalendariu servisu konsege aprova ona Lei nú 5/V(1a) ne’ebé halo alterasaun ba lei número 9/2005, 3 Agostu kona-bá Lei Fundu Petrolíferu.  
 
Nia hatutan, tanba laiha ona proposta no tuir loloos atu halo proposta mós tenke haree. Tanba ne’e la’ós alterasaun ne’ebé boot, maibé hanesan iha loron hirak debate iha jeneralidade katak altera atu armoniza tanba iha fronteira tasi ne’ebé termina iha komparasaun ho tratadu tasi Timor ne’ebé asina ona hosi governu rua, Dili no Canbera iha kuartel jeral Organizasaun Nasões Unidas (ONU) iha loron 6 fulan Marsu tinan 2018.
 
“Tanba ne’e mak hakarak ka lakohi, Timor – Leste mós tenke armoniza nia lei sira atu labele lakon bebeik osan, tanba tuir loloos desde loron 6 Marsu 2018 osan hamutuk $ miliaun 5 bele tama lalais ona iha kofre estadu TL, tanba ita atraza (lakon) osan ne’e kuaje tinan ida resin ona,” hatete deputadu Lay ba Jornalista sira iha Parlamentu Nasionál, Dili Sesta (19/07).
 
Nia esplika, benefisiu ba alterasaun no aprovasaun lei ne’e atu trava osan $ miliaun 5 kada fulan labele tama ona ba kofre Australia nian, maibé tenke tama mai ona iha Timor-Leste nia kofre. 
 
“Tanba desde 6 Marsu 2018 to’o agora kada fulan ita lakon osan hamutuk $ miliaun 5,” nia afirma. 
 
Entretantu, Xefe Negosiadór Fronteira Maritima, Kay Rala Xanana Gusmão hatete antes, prosesu luta ba soberanea tasi nian besik atu atinje ona. Maibé sakrifika Timor-Leste tenke lakon osan hamutuk milliaun $S 5 kada fulan, tanba akordu Fronteira Maritima (FM) ne’ebé governu Dili no Canbera asina iha tinan 2018 iha Kuatel Jerál Organizasaun Nasões Unidas (ONU) seidauk hetan ratifikasaun hosi parlementu nasaun rua nian.
 
“Ita dada buat ne’e kleur mak fulan-fulan ita lakon hela $ milliaun 5. Ami hakarak dada buat ne’e lalais, maibé labele tanba prosesu ne’e la’ós fasil. Kada fulan ita lakon hela $ milliaun 5,” esplika Xanana ba deputadu sira iha Parlamentu Nasionál, Dili, Tersa (16/07/2019).
Rate this item
(3 votes)
Last modified on Friday, 19 July 2019 17:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter