"Ami haree hela, naturalmente nia prosesu sei lori tempu oituan, ami halo akompañamentu maka'as loos, para solusaun saida mak ita bele hetan," hatete PMTaur iha Palásiu Prezidensial Bairru-pite, Kinta (18/07/2019).
PM dehan, problema hotu se iha nia solusaun. Importante, mak TL tenke fó atensaun para bele hetan ne'ebé mak di'ak liu, hodi defende interese Timor-Leste nian.
"Ita lakon ona osan. Ita gasta ona osan. Naturalmente ita tenke servisu maka'as. Tanba, osan estadu nian, ita hotu nian, nasaun nian," dehan eis Prezidente Repúblika ne’e.
Nia mós hatete, polítika governu nian atu troka kompañia ne'ebé halo kontrusaun ba ró Haksolok, sei iha prosesu nia laran.
"Ne'e la fasil hanesan ita ko'alia. Ida ne'e prosesu. Ami haree senáriu hothotu. Talvez kuandu tempu opsaun saida mak governu hili ne'ebé parseria ho ZEESM. Ami sei informa. Em prinsípiu, prosesu ida ne'ebé sei la'o. La'ós prosesu fasil," dehan PM Taur.