Ba sidadaun sira ne’ebé simu ona vasina dala-rua, no hakarak atu halo viajen, bainhira hetan pasa revista husi Polísia Nasionál Timor-Leste (PNTL) iha pontu entrada Munisípiu sira.
Pozisaun Governu dadauk implementa ona regra sirkulasaun ida ne'e tanba Primeiru Ministru (PM), Taur Matan Ruak, rasik deklara ona ba Parlamentu Nasionál, bainhira ema ida simu ona vasina doze ba dala-rua, nia sei livre sirkulasaun iha Timor-Leste laran.
"E ida ne'e mak ohin loron la'o ona hanesan ne'e. Sira ne'ebé halo ona vasina dalarua bele la'o ona sirkulasaun ba mai avontade, importante mak ne'e, bainhira iha postu ou postu fronteira ne’ebé mak check point ne'e hatudu de'it kartaun ne'e ba, ou dokumentu ne’ebé mak iha katak sira vasina dala-rua ona”, hatete nia iha plenária Parlamentu Nasionál (PN), tersa (22/06).
Maske governu fó livre ona sidadaun asesu sirkulasaun ba mai, maibé sidadaun labele haluha atu nafatin kumpre protukolu Organizasaun Mundiál Saúde (OSM) hodi uza máskara, fase liman, no destansiamentu sosiál.
“Ida ne'e la'o namanas, hothotu la'o hela laiha ida mak bandu ema ida”, hatete nia. (*)