Horta Kongratula Xanana  Featured

Eis President da Reoublika. Dr. Jose Ramos Horta Eis President da Reoublika. Dr. Jose Ramos Horta Foto fanpage Dr. Jose Ramos Horta

Tempotimor (Dili): Eis Prezidente Repúblika José Ramos Horta, kongratula xefe negosiadór prinsipal Xanana Gusmão ho ninia ekipa téknika iha Parlamentu Nasionál, hodi aprezenta proposta lei hirak ne'ebé importante ba ratifikasaun tratadu fronteira marítima Timor-Leste ho Australia. 

Proposta husi lei ne’ebé aprova ba alterasaun dahuluk mak Lei n.8/2008, loron 30 fulan-Juñu, Lei dahuluk n.3/2003, loron 1 fulan-Jullu kona-ba tributasaun ba kontraentes husi Bayu-Undan no alterasaun dahuluk ba Lei n.4/2003 loron 1 fulan-Jullu, kona-ba dezenvolvimentu husi petróleu Tasi Timor. Proposta husi Lei ne’ebé aprova altersaun daruak mak Lei n.13/2005, loron 2 fulan-Setembru, ne’ebé mak aprova hanesan Lei husi Atividade Petrolífera no Proposta husi Lei ne’ebé aprova husi alterasaun datolu mak Lei n.9/2005, loron 3 fulan-Agostu, ne’ebé aprova hanesan Lei Fundu Petrolífero.

"Parabens ba bankada governu. Liuliu ba maun boot Xanana Gusmão ho ekipa tékniku ne’ebé halo aprezentasaun di’ak tebes," hatete Horta iha Parlamentu Nasionál, Kuarta (17/07/2019). 

Horta rekoñese, nia estuda prosesu ne’e kleur ona no akompaña esforsu ne’ebé mak hala’o desde 2008 to'o agora no konsege prepara ona lejislasaun foun ne’ebé mak haan tempu tinan ida. 

Nia dehan, TL la halo fronteira marítima, maibé halo adaptasaun ba lei sira.

"La’ós ita halo fronteira maritima. Mais ita presija halo adaptasaun lei no negosiasaun ho kompañia Australia nian. Sira halo estudu ne’e, kle'an duni no ohin maun boot Xanana ho Timor Gap halo aprezentasaun klaru ho di’ak," hatete eis Xefe Estadu ne'e. 

Tuir Horta, deputadu barak mak gosta ho aprezentasaun ne’ebé Xanana ho Timor Gap halo. Deputadus iha direitu atu husu perguntas.

Lider nasionál ne'e mós apresia maun boot Xanana Gusmão, tanba aprezenta ho di’ak no fó resposta kalma nu’udar aman. 

Horta kongratula mós deputadu sira husi bankada Demokratika (PD), ne'ebé tuir Horta iha vontade hodi partisipa iha debate ne'e. 

"Parabens ba deputadu sira husi bankada PD," Horta dehan.

Rate this item
(3 votes)
Last modified on Wednesday, 17 July 2019 23:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com