PM Taur: Sidadaun Labele Dúvida, Vasina La Hamate Ema

Primeiru Ministru (PM), Taur Matan Ruak simu hela vasina doze daruak iha ninia rezidensia Farol, sesta (18/06). Primeiru Ministru (PM), Taur Matan Ruak simu hela vasina doze daruak iha ninia rezidensia Farol, sesta (18/06). Foto Suplay

Tempotimor (Dili)-Primeiru Ministru (PM), Taur Matan Ruak, kontinua husu sidadaun labele dúvida nafatin ba simu vasina prevensaun Covid-19, tanba vasina salva vida no la'os atu hamate ema.

Tanba enkoraja nafatin populasaun atu labele dúvida simu vasina, tanba nia rasik simu ona vasina, la hatudu sinál negativu, maibé atu salva ema nia moris.

“Labele iha dúvida. Uluk tanba dúvida ne'e mak ha'u mak sona uluk. Ha'u la mate tan, agora sira tauk nafatin halo saida, labele. Labele iha dúvida, kontinua koopera nafatin ho Ministériu Saúde no profisionál saúde sira”, deklara PM Traur hafoin kompleta vasina doze daruak iha nia rezidénsia, Farol, sexsa (18/06).

Nunbe’e koopera nafatin ho Mnistériu Saúde no professional saúde sira, tanba sira-nia funsaun, papél no misaun atu salva ema nia vida.

Ho ida ne’e, husu ba nia inan-aman sira, populasaun sira hotu atubele partisipa iha prosesu kampaña vasinasaun nasionál, tanba bele fó dalan hodi salva ema nia vida.

Hafoin bele avansa ba situasaun normalizasaun nian, hodi nune'e ajuda rekopera ekonómia iha rai laran.

“Ita labele loron kalan sulan bebeik hanesan ne'e, mais para labele sulan, nia kondisaun ida mak ne'e, ita-nia kooperasaun iha prosesu vasinasaun nasionál ne'e”,dehan PM

“Kampaña ne'e importante loos. Tanba ne'e maka ha'u husu ba Innan-Aman sira, kontinua ajuda nafatin, i ha'u kontente loos, rezultadu semana ikus ne'e, númeru partisipasaun sa'e, ne'e di'ak la halimar”, afimra nia.

Tanba ne'e, governu kontinua nafatin esforsu hodi ajuda profisionál saúde sira, tanba sira determinadu atu halo prosesu kampaña vasinasaun la’o ba oin hodi salva ema nia vida, normaliza nasaun no fasilita rekopera TL nia ekonómia.

“Ita-nia vida ekonómiku paradu loos, e ha'u kontente loos ba partisipasaun sidadaun sira-nian, e ha'u fiar katak sira ne'ebé agora sei iha hela kotuk, sei iha dúvida, sira sei loron ida hanesan mós ha'u, hanesan mós ha'u-nia kaben no hothotu, sé kabás para que ita-nia profisionálsaúde sira bele vasina ita”, reforsa nia. (*)

Rate this item
(0 votes)
Last modified on Friday, 18 June 2021 15:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter