Print this page

MAPKomS Lansa Vasina AstraZeneca Iha Laleia

Ministru Asuntu Parlamentar no Komunikasaun Sosiál (MAPKomS), Francisco Martins Jerónimo foto hamutuk ho autoridade sira hafoin lansamentu ba vasina daruak iha Laleia. Ministru Asuntu Parlamentar no Komunikasaun Sosiál (MAPKomS), Francisco Martins Jerónimo foto hamutuk ho autoridade sira hafoin lansamentu ba vasina daruak iha Laleia. Foto Suplay

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, lansa vasina AstraZeneca doze dahuluk ba idozu ho komorbilidade sira no liña frente sira iha postu administrativu Laleia, munisípiu Manatutu.

“Lansamentu AstraZeneca ne'e iha oin rua, doze dahuluk ba idozu sira, no doze daruak ba ita-nia maluk sira ne'ebé serbisu iha liña frente hodi kompleta sira-nia vasina, ne'ebé antes ne'e sira simu ona doze dahuluk”, dehan Ministru Francisco  Jerónimo iha Postu Administrativu Laleia, kurta(17/06).

Vasinasaun ne'e importante tebes tanba bele hasa'e imunidade komunidade nian, hodi prevene infesaun moras kontajioza.

Iha oportunidade ne’e sensibiliza nafatin informasaun kona-ba importánsia husi prevensaun moras kontajioza ne'e ba komunidade sira.

“Sensibilizasaun ne'e atu konsensializa no enkoraja komunidade atu simu vasinasaun hodi proteje an husi vírus ne'ebé sai ona pandemia globál ne'e”, esplika Ministru Francisco.

Iha fatin hanesan,Administradór munisípiu Manatutu, Fernando Junior da Silva, enkoraja komúnidade Postu Laleia atu simu vasinasaun hodi bele prevene-an husi moras Covid-19.

“Ha'u husu ba inan aman sira atu labele rona buat oioin kona-ba vasina ne'e, tanba vasina ne'e di'ak no seguru, hodi proteje ita-nia família no ita-nia an rasik”, hatete nia.

Entretantu iha lansamentu ne'e partisipa husi, Diretóra Jerál Prestasaun Serbisu Saúde, Diretór Nasionál Diseminasaun Informasaun, Reprezentante UNICEF iha Timor-Leste, Administradór Postu Laleia, Diretór Serbisu Saúde Munisípiu Manatutu, Komandante Polísia Eskuadra Laleia, Komunidade Reliziozu, Inklui Komúnidade Laleia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items