Login to your account

Username *
Password *
Remember Me

FRETILIN Konsidera PN 'Difísil’ Halakon Lei Pensaun Vitálisia

Deputadu FRETILIN, Joaquim dos Santos Deputadu FRETILIN, Joaquim dos Santos Foto Suplay

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Joaquim dos Santos konsidera, Parlamentu Nasionál (PN) difísil atu halakon lei pensaun vitalísia tanba diretu ne'e Konstituisaun Repúblika Demokratika Timor-Leste garantia.

Maske Governu liuhusi Ministériu Solidariedade Sosiál no Inkluzaun (MSSI) haruka ona proposta rejime kontribuitivu ba Parlamentu Nasionál kona-ba oinsá halakon lei pensaun vitalísia.

Maibé, Parlamentu Nasionál mós tenke haree no estuda didi'ak tanba prosesu muda pensaun vitalísia ba rejime kontribuitivu la fasil.

“Termu kona-ba lei pensaun vitalísia ne'e laiha ona, agora ne'e iha de'it rejime kontribuitivu, tanba ne'e presiza regra ida husi Ministèriu Solidariedade Sosiál no Inkluzaun (MSSI) hodi garante rejime ne'e entre vigór labele prejudika ema nia diretu. Ida ne'e mak ita sei estuda, tanba buat ne'e la'ós fasil, ita fó ou ita la fó, kuandu ba rejime”, hatete nia iha PN, kinta (17/06).

Tanba alterasaun ba lei pensaun vitalísia ne'e, la'ós halo atu responde ba kompromísu eleitorál ka fó benefísiu ba grupu no sosiedade sivíl sira, maibé ida ne'e halo atu rezolve problema ne'ebé Timor-Leste hasoru.

Enkuantu Deputadu Fretilin ne'e haree katak lei pensaun vitalísia ne'e la influénsia resesaun ekonómika estadu ninian.

“Agora ema bele na'ok juta ba juta ne'e ohin loron imi la buka ida, nunka mai Timor agora ne'e, halakon estadu nia osan juta ba juta ne'e, ne'e ema la buka ida, ema la komentáriu, ko’alia fali buat ne’ebé konstituisaun garante ho direitu ne'e, tenke regula”, afirma nia.

Maibé atu regula ne'e tenke hatene ninia kauza no efeitu, norma ne'e saida, prejudika estadu ninia ekonomia ka la'e, ida ne'e sidadaun nia diretu barak ne’ebé konstituisaun garante.

Felismente prioridade ba prosesu ne'e la'o hela, iha tinan 2021, no la hotu mak iha tinan 2022 bele halo hotu. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter